ନୂଆଦିଲ୍ଲୀ: ଦିଲ୍ଲୀର ବୁରାରିଠାରେ ଗୋଟିଏ ପରିବାରର ୧୧ଜଣଙ୍କ ଆତ୍ମହତ୍ୟା ଘଟଣାରେ ପୁଲିସର ସନ୍ଦେହ ସତ୍ୟ ପ୍ରମାଣିତ ହେବାକୁ ଲାଗିଛି। ଗୋଟିଏ ପରିବାରର ୧୧ଜଣ ଆତ୍ମହତ୍ୟା କରିବା ପ୍ରଚ୍ଛଦରେ କୌଣସି ତାନ୍ତ୍ରିକର ହାତ ଥିବା ଦିଲ୍ଲୀ ପୁଲିସର ତଦନ୍ତରେ ସାମ୍ନାକୁ ଆସିଛି। ମହିଳା ତାନ୍ତ୍ରିକ ଗୀତା ମା ପରିବାରବର୍ଗଙ୍କୁ ସମୁହ ଆତ୍ମହତ୍ୟା ପାଇଁ ପ୍ରରୋଚିତ କରିଥିବା ପୁଲିସ ଆଗରେ ସ୍ୱୀକାର ମଧ୍ୟ କରିଛନ୍ତି। ପରିବାରବର୍ଗଙ୍କୁ ଏଭଳି ପଦକ୍ଷେପ ନେବାକୁ ଗୀତା ପ୍ରୋତ୍ସାହିତ କରିବା ସହ ସେମାନଙ୍କୁ ମୋକ୍ଷ ପ୍ରାପ୍ତିର ବିଭ୍ରାନ୍ତିକର ରାସ୍ତା ଆପଣେଇବାକୁ ପ୍ରବତ୍ତାଇଛନ୍ତି। ତେବେ ଏହି ପ୍ରକ୍ରିୟାରେ ଘରର କେଉଁ କେଉଁ ସଦସ୍ୟ ଗୀତାଙ୍କ ସହ ଯୋଗାଯୋଗରେ ଥିଲେ ଏ ସମ୍ପର୍କରେ ଅଧିକ ପଚରାଉଚରା ଜାରି ରହିଛି।
