ନୂଆଦିଲ୍ଲୀ : ବର୍ଷାର ତାଣ୍ଡବ ରାଜଧାନୀ ଦିଲ୍ଲୀରେ ମଧ୍ୟ ଦେଖିବାକୁ ମିଳିଛି। ଦିଲ୍ଲୀର ପରିବା ମାର୍କେଟରେ ଏକ ୪ ମହଲା କୋଠା ଭୁଷୁଡି ପଡିଛି। ଅନେକ ଲୋକେ ଏହା ତଳେ ଦବି ହୋଇ ରହିଛନ୍ତି ବୋଲି ଆଶଙ୍କା କରାଯାଉଛି। ଯାନବାହନ ମଧ୍ୟ ଦବି ରହିଛି। ଖବର ପାଇ ଦମକଳ କର୍ମଚାରୀ,ପୁଲିସ ଘଟଣାସ୍ଥଳରେ ପହଞ୍ଚି ଉଦ୍ଧାରକାରୀ ଦଳ ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଏବେ ସେଠାରୁ ଜଣେ ଶିଶୁ ଓ ବ୍ୟକ୍ତିଙ୍କୁ ସୁରକ୍ଷିତ ଉଦ୍ଧାର କରାଯାଇଛି।
ଆଜି ସକାଳୁ ଏହି ପରିବା ମାର୍କେଟରେ ଥିବା ଏକ ୪ ମହଲା କୋଠା ହଠାତ ଭୁଷୁଡି ପଡିଥିଲା। ଏହି ସମୟରେ ଉକ୍ତ ସ୍ଥାନରେ ଏକାଧିକ ଲୋକେ ଥିବାରୁ ଭୟ ସହ ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇଥିଲା। ଏବେ ମଧ୍ୟ ଅନେକ ଲୋକେ ଦବି ହୋଇ ରହିଥିବା ବେଳେ ଉଦ୍ଧାର କାର୍ଯ୍ୟ ଜାରି ରହିଛି। ଏହି ଘଟଣାକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଦୁଃଖ ପ୍ରକାଶ କରିଛନ୍ତି। ପ୍ରଶାସନ ଉଦ୍ଧାର କାର୍ଯ୍ୟରେ ଲାଗି ରହିଥିବା ବେଳେ ସ୍ଥିତି ଉପରେ ନଜର ରଖାଯାଇଛି ବୋଳି ଟ୍ୱିଟ କରି କହିଛନ୍ତି।
ଦିଲ୍ଲୀରେ ଭୁଷୁଡିଲା ୪ ମହଲା କୋଠା ; ଉଦ୍ଧାରକାର୍ଯ୍ୟ ଜାରି
Popular Categories
Previous article
Next article