ସମାଜ ଡିଜିଟାଲ ଡେସ୍କ: କାର ଦୁର୍ଘଟଣାରେ ବିଧାୟିକାଙ୍କ ମୃତ୍ୟୁ ହୋଇଛି । ହାଇଦ୍ରାବାଦରେ ବିଆରଏସ ବିଧାୟିକା ଜି.ଲାସ୍ୟା ନନ୍ଦିତାଙ୍କ ଦୁର୍ଘଟଣାରେ ମୃତ୍ୟୁ ହୋଇଥିବା ସୂଚନା ମିଳିଛି । ଶୁକ୍ରବାର ସକାଳେ ଭାରସାମ୍ୟ ହରାଇ ଡିଭାଇଡରରେ ପିଟି ହୋଇଯାଇଥିଲା ବିଧାୟିକାଙ୍କ କାର । ଗୁରୁତର ଅବସ୍ଥାରେ ବିଧାୟିକା ଓ ତାଙ୍କ ଡ୍ରାଇଭରଙ୍କୁ ମେଡିକାଲରେ ଭର୍ତ୍ତି କରାଯାଇଥିବା ବେଳେ ଡାକ୍ତର ବିଧାୟିକାଙ୍କୁ ମୃତ ଘୋଷଣା କରିଥିଲେ । ଗୁରୁତର ଅବସ୍ଥାରେ ଡ୍ରାଇଭରଙ୍କ ଚିକିତ୍ସା ଚାଲିଛି । ମାତ୍ର ୩୭ବର୍ଷ ବୟସରେ ବିଧାୟିକାଙ୍କ ଅକାଳ ମୃତ୍ୟୁରେ ଭାଙ୍ଗିପଡିଛନ୍ତି ପରିବାର ସଦସ୍ୟ ।
୧୯୮୬ ମସିହାରେ ହାଇଦ୍ରାବାଦରେ ଜନ୍ମ ହୋଇଥିଲେ ଜି.ଲାସ୍ୟା ନନ୍ଦିତା । ୨୦୧୬ରେ କାଭାଡିଗୁଡାର କର୍ପୋରେଟର ଭାବେ କାମ କରିବା ପରେ ୨୦୨୩ ତେଲାଙ୍ଗାନା ବିଧାନସଭା ନିର୍ବାଚନରେ ସିକନ୍ଦରାବାଦ କ୍ୟାଣ୍ଟନମେଣ୍ଟରୁ ପ୍ରଥମ ଥର ବିଧାୟିକା ଭାବେ ନିର୍ବାଚିତ ହୋଇଥିଲେ ଲାସ୍ୟା ନନ୍ଦିତା ।
Comments are closed.