ଜୟପୁର : ରାଜସ୍ତାନର ପୋଖରାନ ପରୀକ୍ଷଣ ରେଂଜରୁ ବ୍ରଦ୍ମୋସ ସୁପରସୋନିକ କ୍ରୁଜ କ୍ଷପଣାସ୍ତ୍ର ଗୁରୁବାର ସଫଳତାର ସହ ପରୀକ୍ଷା କରାଯାଇଛି । ବ୍ରଦ୍ମୋସ କ୍ଷପଣାସ୍ତ୍ର ସଠିକ୍ ଭାବେ ଲକ୍ଷ୍ୟକୁ ଭେଦ କରିଥିଲା ବୋଲି ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ସୂଚନା ଦେଇଛନ୍ତି । ଏହି ସଫଳତା ଭାରତର ସୁରକ୍ଷାକୁ ଅଧିକ ମଜଭୁତ କରିଛି ବୋଲି ସେ କହିଛନ୍ତି । ୩ ମାସ ପୂର୍ବେ ଭାରତୀୟ ବାୟୁ ସେନାର ସୁଖୋଇ-୩୦ ଏମ୍କେଆଇ ଯୁଦ୍ଧ ବିମାନରୁ ପ୍ରଥମ ଥର ବ୍ରହ୍ମୋସ କ୍ରୁଜ୍ କ୍ଷପଣାସ୍ତ୍ରକୁ ସଫଳତାର ସହ ପରୀକ୍ଷା କରାଯାଇଥିଲା । ସୀତାରମଣ ଟ୍ୱିଟ୍ କରି କହିଛନ୍ତି ଯେ ଗୁରୁବାର ସକାଳ ୮ଟା ୪୨ରେ ରାଜସ୍ଥାନର ପୋଖରାନ ପରୀକ୍ଷଣ ଘାଟିରୁ ବ୍ରହ୍ମୋସ ସୁପରସୋନିକ କ୍ରୁଜ୍ କ୍ଷପଣାସ୍ତ୍ର ସଫଳତାର ସହ ପରୀକ୍ଷା କରାଯାଇଛି । ଏହି କ୍ଷପଣାସ୍ତ୍ର ନିର୍ଦ୍ଧାରିତ ପଥରେ ଯାଇ ସଠିକ୍ ଭାବେ ଲକ୍ଷ୍ୟ ଭେଦ କରିଥିଲା । ଭାରତ ଓ ରୁଷ ଦ୍ୱାରା ମିଳିତ ଭାବେ ନିର୍ମିତ ବଦ୍ମୋସ କ୍ଷପଣାସ୍ତ୍ରର ଲକ୍ଷ୍ୟ ଭେଦ କ୍ଷମତାକୁ ୪୦୦ କିଲୋମିଟର ଦୂର ପର୍ଯ୍ୟନ୍ତ ବୃଦ୍ଧି କରାଯାଇପାରିବ । ଗତ ବର୍ଷ ଭାରତ ମିଶାଇଲ ଟେକ୍ନୋଲୋଜି କଣ୍ଟ୍ରୋଲ ରେଜିମ (ଏମ୍ଟିସିଆର)ର ପୂର୍ଣ୍ଣ ସଦସ୍ୟତା ଲାଭ କରିଛି । ଫଳରେ ଏହା ସହାୟତରେ ଭାରତ କ୍ଷପଣାସ୍ତ୍ର ବିକଶିତ କାର୍ଯ୍ୟକ୍ରମକୁ ଅଧିକ ମଜଭୁତ କରିପାରି ବୋଲି ଆଶା କରାଯାଉଛି । ପ୍ରକାଶ ଯେ ଭାରତର ପ୍ରତିରକ୍ଷା ଗବେଷଣା ବିକାଶ ପ୍ରତିଷ୍ଠାନ (ଡିଆରଡିଓ) ଏବଂ ରୁଷର ଏନ୍ପିଓ ମିଳିତ ଭାବେ ବ୍ରଦ୍ମୋସ କ୍ଷପଣାସ୍ତ୍ରକୁ ବିକଶିତ କରିଛନ୍ତି ।
Popular Categories
Previous article
Next article