ବୌଦ୍ଧ: ବୌଦ୍ଧଜିଲ୍ଲା ପ୍ରାଣୀ ମଂଚ ପକ୍ଷରୁ ମାଉଲସିଙ୍ଗା ସ୍ଥିତ ଜାନକୀ ଭିକାରି ଉଚ୍ଚ ବିଦ୍ୟାଳୟରେ ପ୍ରଧାନ ଶିକ୍ଷକ ଚିତରଂଜନ ମେହେରଙ୍କ ଅଧ୍ୟକ୍ଷତାରେ ବିଶ୍ୱ ସର୍ପ ଦିବସ ଅବସରରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ସଭାରେ ମୁଖ୍ୟଅତିଥି ଭାବରେ ବୌଦ୍ଧ ପଂଚାୟତ ମହାବିଦ୍ୟାଳୟର ଅଧ୍ୟାପକ ପ୍ରବୀର କୁମାର ଦାସ ଯୋଗଦେଇ ପରିବେଶ ସନ୍ତୁଳନ , ସର୍ପ ସୁରକ୍ଷା ସହିତ ସର୍ପ ଦଂଶନର ପ୍ରାଥମିକ ଉପଚାର ଉପରେ ଆଲୋକପାତ କରିଥିଲେ । ସମ୍ମାନିତ ଅତିଥି ଭାବରେ ରମେଶ ମେହେର ଯୋଗଦେଇଥିଲେ । ଅନ୍ୟତମ ଅତିଥି ଭାବରେ ଅବସରପ୍ରାପ୍ତ ଶିକ୍ଷୟିତ୍ରୀ ପ୍ରଣତୀ ମିଶ୍ର,ଅନୁଷ୍ଠାନର ଉପଦେଷ୍ଟା ସମୀର ସାହୁ, ସାମ୍ବାଦିକ ବିଧାନ ବଳ ପ୍ରମୁଖ ଯୋଗଦେଇ ଥିଲେ । ଅନୁଷ୍ଠାନର ସଂପାଦକ ଅରୁଣ ମେଣ୍ଡୁଲି ଅତିଥି ପରିଚୟ ପ୍ରଦାନ କରିଥିବାବେଳେ ଶିକ୍ଷୟିତ୍ରୀ କସ୍ତୁରୀ ବିଶ୍ୱାଳ ଧନ୍ୟବାଦ ପ୍ରଦାନ କରିଥିଲେ ।
Comments are closed.