ବୌଦ୍ଧ: ବୌଦ୍ଧ ସହର ସ୍ଥିତ ଟାଉନ୍ ହଲ ଠାରେ ଶନିବାର ବୌଦ୍ଧ ଜିଲା ଔଷଧ ବ୍ୟବସାୟୀ ସଂଘର ସାଧାରଣ ପରିଷଦ ବୈଠକ ଓ କର୍ମକର୍ତ୍ତା ଚୟନ ଅନୁଷ୍ଠିତ ହୋଇଯାଇଛି । ବୈଠକରେ ଜିଲ୍ଲା ପାଇଁ କର୍ମକର୍ତ୍ତା ଚୟନ କରାଯାଇଛି । ସଭାପତି ଭାବେ ଗିରିଧାରୀ ଲାଲା ଅଗ୍ରୱାଲା, ସଂପାଦକ ପ୍ରାଣବନ୍ଧୁ ପ୍ରଧାନ ମନୋନୀତ ହୋଇଥିଲେ । ପରେ ଜିଲା ସଭାପତି ଶ୍ରୀ ଅଗ୍ରୱାଲାଙ୍କ ଅଧ୍ୟକ୍ଷତାରେ ଏକ ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଥିଲା ।
ଏଥିରେ ଅତିଥିଭାବେ ୟୁସିଡିଏର ରାଜ୍ୟ ସଭାପତି ବି, ସତ୍ୟନାରାୟଣ, ରାଜ୍ୟ ସଂପାଦକ ପ୍ରଶାନ୍ତ ମହାପାତ୍ର ,ନୟାଗଡ ଔଷଧ ବ୍ୟବସାୟୀ ସଂଘର ସଭାପତି ପ୍ରହଲ୍ଳାଦ ସାହୁ, କଳାହାଣ୍ଡି ଔଷଧ ବ୍ୟବସାୟୀ ସଂଘର ଜିଲ୍ଲା ସଭାପତି ଅଶୋକ ରାଉତ, ଅନନ୍ତ ନାରାୟଣ ମହାରଣା ଯୋଗ ଦେଇ ମତବ୍ୟକ୍ତ କରିଥିଲେ । ସଂଘର ସଦସ୍ୟ ଭାବାନୀ ଶଙ୍କର ମହାପାତ୍ର ମଞ୍ଚ ପରିଚାଳନା କରିଥିଲେ । ସୁରଜ ଅଗ୍ରୱାଲା ପରିଚାଳନାରେ ସହଯୋଗ କରିଥିଲେ । ନିର୍ବାଚନ ଅଧିକାରୀ ଭାବେ ସଂଘର ବରିଷ୍ଠ ସଦସ୍ୟ ସିଦ୍ଧେଶ୍ୱର ଅଗ୍ରୱାଲା ଓ ମଙ୍ଗଳ ବେହେରା ନିର୍ବାଚନକୁ କରିଚାଳନା କରିଥିଲେ ।
