ବୌଦ୍ଧ: ବରିଷ୍ଠ ସାମ୍ବାଦିକ ଜନାର୍ଦ୍ଦନ ନେପାକ(୬୭)ଙ୍କ ବାଉଁଶୁଣୀସ୍ଥିତ ବାସଭବନଠାରେ ଶୁକ୍ରବାର ମଧ୍ୟାହ୍ନରେ ପରଲୋକ ହୋଇଯାଇଛି । ସୂଚନା ମୁତାବକ ଦୀର୍ଘଦିନ ହେଲା ଅସୁସ୍ଥ ଥିବା ଶ୍ରୀନେପାକ ସାମ୍ବାଦିକତା ପେଶାରୁ ଦୂରେଇ ରହିଥିଲେ । ସେ ବାଉଁଶୁଣୀ ଅଞ୍ଚଳରେ ଜଣେ ଜଣାଶୁଣା ସାମ୍ବାଦିକ ଭାବରେ ପରିଚିତ ଥିବାବେଳେ ବିଭିନ୍ନ ଗଣମାଧ୍ୟମ ପାଇଁ କାର୍ଯ୍ୟ କରିଥିଲେ । ଗତକାଲି ମଧ୍ୟାହ୍ନରେ ଖାଇସାରି ବିଶ୍ରାମ କରିବାକୁ ଯାଉଥିବାବେଳେ ହଠାତ୍ ଅସୁସ୍ଥ ଅନୁଭବ କରି ପତ୍ନୀଙ୍କୁ ଡାକିଥିଲେ । ପତ୍ନୀ ତାଙ୍କ ନିକଟରେ ପହଞ୍ଚିବାପରେ ତାଙ୍କର ପରଲୋକ ହୋଇଯାଇଥିଲା । ଜନାର୍ଦ୍ଦନଙ୍କ ବିୟୋଗରେ ଜିଲାର ସାମ୍ବାଦିକ ମହଲରେ ଗଭୀର ଶୋକ ପ୍ରକାଶ ପାଇଛି । ଅନେକ ଶୁଭେଚ୍ଛୁ ଜନାର୍ଦ୍ଦନଙ୍କ ବାଉଁଶୁଣୀ ବାସଭବନରେ ପହଞ୍ଚି ତାଙ୍କର ଶେଷ ଦର୍ଶନ କରିଥିଲେ । ଗ୍ରାମର ଶ୍ମସାନଘାଟରେ ତାଙ୍କର ଅନ୍ତ୍ୟେଷ୍ଟି ସମାପନ ହୋଇଥିବାବେଳେ ପୁତ୍ର ଦେବାଶିଷ ନେପାକ ମୁଖାଗ୍ନି ପ୍ରଦାନ କରିଥିଲେ ।
Popular Categories
Previous article
Next article