ବୌଦ୍ଧ: ବୌଦ୍ଧ ସହର ପୋଡାପଡାରେ ଥିବା ଏକ ସୁନା ଦୋକାନୀଙ୍କୁ ଚକମା ଦେଖାଇ ସୁନା ଗହଣା ଚୋରୀ ହୋଇଯାଇଥିବା ନେଇ ବୌଦ୍ଧ ଥାନାରେ ଅଭିଯୋଗ ହୋଇଛି। ମିଳିଥିବା ସୂଚନା ଅନୁଯାୟୀ ସହରର ପୋଡାପୋଡା ସାହିରେ ମହମ୍ମଦ ନଜିମ ମୋଲ୍ଲାଙ୍କ ସୁନା ଦୋକାନକୁ ଜଣେ ପୁରୁଷ ଓ ଜଣେ ମହିଳା ସୁନା କିଣିବା ପାଇଁ ସନ୍ଧ୍ୟାରେ ଯାଇଥିଲେ। ସେମାନେ ଦୋକାନରୁ ଗଲାପରେ ଗୋଟିଏ ୭.୫ ଗ୍ରାମର ସୁନା ଚେନ ଏବଂ ୪.୫ ଗ୍ରାମ ଓଜନର ଗୋଟିଏ ସୁନା ଲକେଟ ଚୋରୀ ହୋଇଯାଇଥିବା ଦୋକାନୀ ଜାଣିବାକୁ ପାଇଥିଲେ। ଦୋକାନର ସିସିଟିଭି ଫୁଟେଜ ଦେଖିବାପରେ ଗ୍ରାହକ ଭାବରେ ଦୋକାନକୁ ଆସିଥିବା ଜଣେ ମହିଳା ଉକ୍ତ ସୁନାଗହଣା ଚୋରୀ କରିନେଇଥିବା ଜଣାପଡିଛି ବୋଲି ସେ ବୌଦ୍ଧଥାନାରେ ଅଭିଯୋଗ କରିଛନ୍ତି। ଅଭିଯୋଗକୁ ଭିତ୍ତିକରି ପୋଲିସ ପକ୍ଷରୁ ଥାନା କେସ ନମ୍ବର ୬୩/୨୨ ରେ ଏକ ମାମଲା ରୁଜୁ କରି ତଦନ୍ତ ଚଳାଇଛି।
Comments are closed.