ବଲାଙ୍ଗିର: ମୋବାଇଲ ଚୋରକୁ ଗିରଫ କଲା ବଲାଙ୍ଗିର ସହରାଞ୍ଚଳ ଥାନା ପୁଲିସ । ଅଭିଯୁକ୍ତ ନିକଟରୁ ୩ଟି ମୋବାଇଲ୍ ଫୋନ୍ ମଧ୍ୟ ପୁଲିସ ଜବତ କରିଛି । ସୂଚନା ଅନୁଯାୟୀ, ବଲାଙ୍ଗିର ବସ୍ ଟର୍ମିନାଲରେ ବେଲପଡା ବ୍ଲକ ଭୁଲିଆବନ୍ଧ ଗାଁର କାଳିଆ ବୁଡେକ ଶୋଇଥିଲେ । ଶୋଇଥିବା ସମୟରେ ତାଙ୍କ ମୋବାଇଲ ଚୋରି ହୋଇଯାଇଥିଲା । ଏନେଇ କାଳିଆ ସହରାଞ୍ଚଳ ଥାନାରେ ଅଭିଯୋଗ କରିଥିଲେ। ଅଭିଯୋଗ ଅନୁସାରେ ପୁଲିସ ସିସି ଟିଭି ଯାଞ୍ଚ କରିଥିଲା ।
ପରେ ବସ୍ ଟର୍ମିନାଲକୁ ଚୋର ଜଣକ ଆସିଥିବା ବେଳେ ତାକୁ ପୁଲିସ କାବୁ କରିଛି । ଗିରଫ ଅଭିଯୁକ୍ତ ପୁଇଁନ୍ତଲା ଥାନା ସିକାବେହେଙ୍ଗା ଗାଁର ଅଜୟ ନାୟକ ବୋଲି ଜଣାପଡିଛି । ସେହିପରି ବଲାଙ୍ଗିର ସଦର ଥାନାରେ ଦିବ୍ୟ ଦେବାଶିଷ ଶତପଥୀ, ଶାନ୍ତନୁ ସେଠ ଓ ମୁରଲୀ ପ୍ରଧାନ ମଧ୍ୟ ମୋବାଇଲ ଚୋରି ହୋଇଥିବା ଅଭିଯୋଗ କରିଥିଲେ ।
ସଦର ପୁଲିସ ଖୋଳତାଡ କରି ୬ଟି ମୋବାଇଲ ଜବତ କରିବା ସହ ଚିମନିଭାଟି ପଡାର ଅଭିରାଜ ଠାକୁର ଓ ଶ୍ରୀତମ ବରାଡକୁ ଗିରଫ କରିଥିଲା। ଅନ୍ୟଜଣେ ଅଭିଯୁକ୍ତ ସିତୁ ସ୍ବାଇଁକୁ ପୂର୍ବରୁ ପୁଇନ୍ତଲା ପୁଲିସ ଗିରଫ କରିଥିବା ଜଣାପଡିଛି । ଅଭିଯୋଗକାରୀଙ୍କ ମୋବାଇଲ ଫେରସ୍ତ କରାଯାଇଛି ଓ ସହରାଞ୍ଚଳ ପୁଲିସ ୩ ଗିରଫଙ୍କୁ କୋର୍ଟ ଚାଲାଣ କରିଥିବା ଏସଡିପିଓ ତୋଫାନ ବାଗ ସୂଚନା ଦେଇଛନ୍ତି।
Comments are closed.