ଭୁବନେଶ୍ବର : ଭୁବନେଶ୍ବର ମହାନଗରରେ ପୁଣି ଚାଲିବ କୁକୁର ବନ୍ଧ୍ୟାକରଣ । ଆସନ୍ତା ଦୁଇରୁ ତିନି ଦିନ ମଧ୍ୟରେ ବିଏମସି ପକ୍ଷରୁ ଏହା ଆରମ୍ଭ କରାଯିବ । ବିଏମସି କମିଶନର ବିଜୟ ଅମୃତା କୁଲାଙ୍ଗେ ଏ ନେଇ ସୂଚନା ଦେଇଛନ୍ତି। ମଞ୍ଚେଶ୍ବର ଅଞ୍ଚଳରେ ଥିବା ଡଗ୍ କେନେଲରେ ବନ୍ଧ୍ୟାକରଣ କରାଯିବ । ହାଇକୋର୍ଟଙ୍କ ରହିତାଦେଶ ପରେ ଜୁଲାଇ ୬ତାରିଖରୁ ବନ୍ଧ୍ୟାକରଣ ବନ୍ଦ ଥିଲା।
ସୋମବାର ହାଇକୋର୍ଟ ବିଏମ୍ସିକୁ ସବୁଜ ସଙ୍କେତ ଦେଇଥିଲେ। କୁକୁର ବନ୍ଧ୍ୟାକରଣ ଉପରେ ଥିବା ରହିତାଦେଶକୁ ହାଇକୋର୍ଟ ଉଠାଇ ଦେଇଥିଲେ । ସହରରେ ଦିନକୁ ଦିନ ବୁଲା କୁକୁରଙ୍କ ଉପଦ୍ରବ ବଢି ଚାଲିଥିବାବେଳେ ଲୋକଙ୍କ ଅସନ୍ତୋଷକୁ ଦେଖି ବିଏମ୍ସି ନିଜଆଡୁ ଏହି ମାମଲାରେ ହସ୍ତକ୍ଷେପ କରିଥିଲା । ଯାହାକୁ କୋର୍ଟ ମଞ୍ଜୁରୀ ଦେଇଛନ୍ତି।
