କାବୁଲ: ଆଫଗାନିସ୍ତାନର ରାଜଧାନୀ କାବୁଲର ପଶ୍ଚିମାଞ୍ଚଳରେ ଥିବା ଅବଦୁଲ୍ ରହିମ ଶହୀଦ ହାଇସ୍କୁଲ ନିକଟରେ ମଙ୍ଗଳବାର ଏକାଧିକ ବିସ୍ଫୋରଣ ଘଟିଛି। ଏହି ବିସ୍ଫୋରଣରେ ଅନେକ ଲୋକ ପ୍ରାଣ ହରାଇଥିବା ଆଶଙ୍କା କରାଯାଉଛି। ଏଥିସହିତ ୧୪ରୁ ଊର୍ଦ୍ଧ୍ବ ଗୁରୁତର ଭାବେ ଆହତ ହୋଇଛନ୍ତି। ସ୍କୁଲ ପିଲାମାନେ ପାଠପଢିବାକୁ ଶ୍ରେଣୀ ଗୃହକୁ ଯାଉଥିବା ସମୟରେ ଏହି ବିସ୍ଫୋରଣ ଘଟିଥିବା ଜଣାପଡ଼ିଛି। ଆଭ୍ୟନ୍ତରୀଣ ମନ୍ତ୍ରଣାଳୟ ଅବଦୁଲ୍ ରହିମ ଶହୀଦ ହାଇସ୍କୁଲ ନିକଟରେ ଲଗାତର ୩ଟି ବିସ୍ଫୋରଣ ନେଇ ସୂଚନା ଦେବା ସହ କହିଛି ଯେ, ଘଟଣାର ତଦନ୍ତ ଆରମ୍ଭ ହୋଇଛି ଓ ପରେ ସବିଶେଷ ତଥ୍ୟ ଦିଆଯିବ।
