ନୂଆଦିଲ୍ଲୀ: ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ପତ୍ନୀଙ୍କ କାର ଚୋରି ହୋଇଥିବା ନେଇ ଥାନାରେ ମାମଲା ରୁଜୁ ହୋଇଛି । ଚୋରାି ଘଟଣାକୁ ୬ଦିନ ବିତି ଯାଇଥିଲେ ବି ପୁଲିସ ଏପର୍ଯ୍ୟନ୍ତ ଚୋରଙ୍କ ସନ୍ଧାନ ପାଇନାହିଁ । ମଲ୍ଲିକା ନଡ୍ଡାଙ୍କ ଫର୍ଚ୍ୟୁନର କାର ଗତ ୧୯ ତାରିଖରେ ସର୍ଭିସିଂ ପାଇଁ ଯାଇଥିବା ବେଳେ ଦ୍ୱିପ୍ରହରରେ ଚୋରି ହୋଇଥିବା ସୂଚନା ମିଳିଛି । ମଲ୍ଲିକାଙ୍କ କାର୍ ଡ୍ରାଇଭର ଯୋଗିନ୍ଧର ସିଂ ଏନେଇ ଗତ ୧୯ ତାରିଖରେ ଏକ ଲିଖିତ ଅଭିଯୋଗ କରିଛନ୍ତି। ତାଙ୍କ ଅଭିଯୋଗ ଆଧାରରେ ପୁଲିସ୍ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ଡ୍ରାଇଭରଙ୍କ ସୂଚନା ଅନୁସାରେ ଗାଡ଼ିକୁ ସର୍ଭିସିଂ ସେଣ୍ଟରକୁ ନେଇଥିଲେ। ସେଠାରେ ଗାଡ଼ିକୁ ଛାଡ଼ି ସେ ନିଜ ଘରକୁ ଚାଲି ଯାଇଥିଲେ। ମାତ୍ର ସେ ସର୍ଭିସିଂ ସେଣ୍ଟର ଫେରିବା ପରେ ଆଉ କାରର ସନ୍ଧାନ ପାଇ ନଥିଲେ। ପୁଲିସ୍ ଏହାପରେ ସିସିଟିଭି ଫୁଟେଜ ଖୋଳତାଡ଼ କରି ଗାଡ଼ିଟି ଶେଷ ଥର ପାଇଁ ଗୁରୁଗ୍ରାମ ଅଞ୍ଚଳରେ ଯାଉଥିବା ଦେଖିବାକୁ ପାଇଛି । ୬ଦିନ ବିତିଯାଇଥିଲ ବି ଦୁର୍ବୃତ୍ତଙ୍କ ପତ୍ତା ପାଇନାହିଁ ପୁଲିସ ।
Popular Categories
Previous article
Next article