ଭୁବନେଶ୍ୱର : ନିର୍ବାଚନକୁ ଆଉ ମାତ୍ର କିଛି ଦିନ ବାକି ଥିବା ବେଳେ ଗୁରୁବାର ବିଜେଡ଼ି ସୁପ୍ରିମୋ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେଡ଼ି ଇସ୍ତାହାର କମିଟି ଘୋଷଣା କରିଛନ୍ତି।
କମିଟିରେ ପାଟକୁରା ବିଧାୟକ ବେଦପ୍ରକାଶ ଅଗ୍ରୱାଲ ଅଧ୍ୟକ୍ଷ ଭାବେ ନିଯୁକ୍ତି ପାଇଥିବା ବେଳେ ପ୍ରସନ୍ନ ଆଚାର୍ଯ୍ୟ, ସୌମ୍ୟରଞ୍ଜନ ପଟ୍ଟନାୟକ, ମଙ୍ଗଳା କିଷାନ, ପଦ୍ମନାଭ ବେହେରା ଓ କସ୍ତୁରୀ ମହାପାତ୍ର କମିଟିର ସହ-ଅଧ୍ୟକ୍ଷ ଭାବେ ନିଯୁକ୍ତି ପାଇଛନ୍ତି। ସେହିପରି କମିଟିରେ ଅନଙ୍ଗ ଉଦୟ ସିଂହଦେଓ, ଭର୍ତ୍ତୃହରି ମହତାବ, ଅଚ୍ୟୁତ ସାମନ୍ତ, ଅତନୁ ସବ୍ୟସାଚୀ, ସଞ୍ଜୟ ଦାସବର୍ମା, ଅରୁଣ ସାହୁ, ସୁଦାମ ମାରାଣ୍ଡି, ରମେଶ ମାଝୀ, ସୁବାସ ସିଂହ, ନବ ଦାସ, ନଳିନୀ ପ୍ରଧାନ, ରବି ନନ୍ଦ ପ୍ରମୁଖ ସଦସ୍ୟ ରହିଛନ୍ତି। ଏହାବ୍ୟତୀତ କେତେକ ଚାଷୀନେତା, ଆଇଟି ଉଇଙ୍ଗ୍ ମୁଖ୍ୟ, ମହିଳା ସ୍ୱଂୟସହାୟିକା ଗୋଷ୍ଠୀ ନେତ୍ରୀ ଓ ଛାତ୍ରନେତାଙ୍କୁ ମଧ୍ୟ ଇସ୍ତାହାର କମିଟିରେ ସାମିଲ କରାଯାଇଛି।
