ଅହମଦାବାଦ: ଗୁଜରାଟରେ ୨୦୧୮ରେ ଘଟିଥିବା ବିଟ୍କଏନ ଦୁର୍ନୀତି ଏବଂ ଜଣେ ବିଲଡରଙ୍କ ଅବହରଣ ମାମଲାରେ ସ୍ଥାନୀୟ ଅଦାଲତ ଶୁକ୍ରବାର ୧୪ ଜଣଙ୍କୁ ଦୋଷୀସାବ୍ୟସ୍ତ କରିଥିବାବେଳେ ପ୍ରତ୍ୟେକଙ୍କୁ ଆଜୀବନ କାରାଦଣ୍ଡାଦେଶ ପ୍ରଦାନ କରିଛନ୍ତିି। ଦୋଷୀଙ୍କ ମଧ୍ୟରେ ପୂର୍ବତନ ବିଜେପି ବିଧାୟକ ନଲୀନ କୋଟାଡିଆ ଓ ପୂର୍ବତନ ଆଇପିଏସ ଅଫିସର ତଥା ଆମ୍ରେଲିର ତତ୍କାଳୀନ ଏସ୍ପି ଜଗଦୀଶ ପଟେଲ ସାମିଲ ଥିବା ଜଣାପଡିଛି। ୨୦୧୮ରେ ଦୋଷୀମାନେ ଶୈଲେଶ ଭଟ୍ଟ ନାମକ ବିଲଡରଙ୍କୁ ଅପହରଣ କରିଥିବାବେଳେ ତାଙ୍କ ନିକଟରୁ ୨୦୦ ବିଟ୍କଏନ ଜବତ କରିଥିଲେ। ମାମଲା ରଫାଦଫା କରିବାକୁ ଦୋଷୀମାନେ ଶୈଲେଶଙ୍କୁ ୩୨ କୋଟି ଟଙ୍କାର ଲାଞ୍ଚ ଦାବି କରିଥିଲେ। ଜବତ ବିଟ୍କଏନର ମୂଲ୍ୟ ସେତେବେଳେ ୧୨ କୋଟି ଟଙ୍କା ହେବ ବୋଲି ଆକଳନ କରାଯାଇଥିଲା। ଶୈଲେଶଙ୍କ ଏତଲାକୁ ଆଧାର କରି ଗୁଜରାଟ କ୍ରାଇମବ୍ରାଞ୍ଚ ସେତେବେଳେ ୧୫ ଜଣଙ୍କୁ ଗିରଫ କରିଥିଲା। ପ୍ରମାଣ ଏବଂ ସାକ୍ଷୀଙ୍କ ବୟାନକୁ ଆଧାର କରି ଅଦାଲତ ୧୪ ଜଣଙ୍କୁ ଆଜୀବନ କାରାଦଣ୍ଡାଦେଶ ପ୍ରଦାନ କରିଥିବାବେଳେ ଯତୀନ ପଟେଲଙ୍କୁ ନିର୍ଦୋଷରେ ଖଲାସ କରିଛନ୍ତି।
Popular Categories
Previous article
Next article