ଯାଜପୁର : ଯାଜପୁର ଜିଲାରେ ଅଗଷ୍ଟ ୧୯ ତାରିଖ ଠାରୁ ଆରମ୍ଭ ହୋଇଥିବା ବର୍ଷା ଯୋଗୁଁ ବ୍ୟାପକ ଜମି ଜଳ ପ୍ଳାବିତ ହୋଇଛି । ବିଶେଷ କରି ବିଂଝାରପୁର ବ୍ଳକର ବିସ୍ତୃତ ଅଞ୍ଚଳରେ ପାଣି ଜମି ରହିଥିବାରୁ ତାହାର ସ୍ଥିତି ଅନୁଧ୍ୟାନ ପାଇଁ ବିଧାୟିକା ତଥା ସରକାରୀ ମୁଖ୍ୟ ସଚେତକ ପ୍ରମିଳା ମଲ୍ଲିକ, ଆଇ.ଏ.ଏସ୍. ପ୍ରୋବେସନର ସଚିନ ପାୱାର, ରାଜସ୍ୱ ଅତିରିକ୍ତ ଜିଳାପାଳ ଅକ୍ଷୟ କୁମାର ମଲ୍ଲିକ, ଉପଜିପାଳ ନାରାୟଣ ଚନ୍ଦ୍ର ଧଳ, ବ୍ଳକ୍ ଅଧ୍ୟକ୍ଷ ନନ୍ଦ ସାମଲ, ବି.ଡି.ଓ. ମିନତୀ ଜଗଦେ୍ଦବ, ଅତିରିକ୍ତ ତହସିଲଦାର ଆର୍ଯ୍ୟଦିପ୍ତ ଆରଣ୍ୟକ ସାମନ୍ତରାୟ ପ୍ରମୁଖ କ୍ଷେତ୍ର ପରିଦର୍ଶନ କରିଥିଲେ। ଏହି ଟିମ୍ ଶିଶିରଣା, ଟିଣା, କୁଆଁରପୁର, ବରପଦା, ଉରକୂଳ, ସୁସୁନପୁର, ରାହାସ ଗୁହାଳୀ, ଗୁହାଳୀ, କପିଳା, ଆଉଁରୀ ବଳଭଦ୍ରପୁର, ପ୍ରୀତିପୁର ଇତ୍ୟାଦି ଅଳର ଜଳ ପ୍ଳାବିତ ଅଳ ପରିଦର୍ଶନ କରିବା ସହ ଚାଷୀ ମାନଙ୍କ ସହ ଆଲୋଚନା କରିଥିଲେ। ବେଙ୍ଗନାଳ, କୁସୁନପୁର, କଣ୍ଟିତର, ମୁଥାନାଳି ମୁହାଣ ଗୁଡିକ ବନ୍ଦ ରହିଥିବାରୁ ଜଳ ନିଷ୍କାସନରେ ବାଧା ସୃଷ୍ଟି ହେଉଛି ବୋଲି ଚାଷୀମାନେ ଅବଗତ କରିଥିଲେ। ତତ୍କ୍ଷଣାତ୍ ଏହି ମୁହାଣ ଗୁଡିକୁ ଖୋଲିବା ପାଇଁ ଜଳ ନିଷ୍କାସନ ବା ଡ୍ରେନେଜ ବିଭାଗକୁ ନିର୍ଦେଶ ଦିଆଯାଇଥିଲା। ଉପସ୍ଥିତ ନିର୍ବାହୀ ଯନ୍ତ୍ରୀ ଏହାକୁ ତତ୍କ୍ଷଣାତ୍ କାର୍ଯ୍ୟକାରୀ କରାଇଥିଲେ ।
Comments are closed.