ବାଇକ ଦୁର୍ଘଟଣାରେ ଭଉଣୀ ମୃତ, ଭାଇ-ଭାଉଜ ଗୁରୁତର

ପାଟଣା : ପାଟଣା ଥାନା ଅଞ୍ଚଳ ୨୨୦ ନଂ ଜାତୀୟ ରାଜପଥର ସାହାରପଡା ତେଲନଦୀ ପୋଲ ପୂର୍ବରୁ ନିର୍ମାଣ କରାଯାଇଥିବା ବେଆଇନ ମାଟି ହମ୍ପସରେ ଗତ ବିଳମ୍ବିତ ସନ୍ଧ୍ୟାରେ ବାଇକ ଦୁର୍ଘଟଣା ଘଟି ଜଣେ ଯୁବତୀଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ତାଙ୍କ ଭାଇ ଭାଉଜ ଗୁରୁତର ହୋଇଛନ୍ତି। ଖବରରୁ ପ୍ରକାଶ ଯେ ଗତକାଲି ପାଟଣା ନିକଟସ୍ଥ ମାଧପୁର ଗ୍ରାମର ବାପୁନ ମୁଣ୍ଡା(୨୫)ନିଜ ପତ୍ନୀ ରିତାରାଣୀ ମୁଣ୍ଡା(୧୯)ଏବଂ ସାନଭଉଣୀ ଲିଲିମଣୀ ମୁଣ୍ଡା(୧୭)ଙ୍କୁ ଗତ ବିଳମ୍ବିତ ସନ୍ଧ୍ୟାରେ ବାଇକରେ ବସାଇ କରଞ୍ଜିଆ ମେଳା ଦେଖିବାକୁ ଯାଉଥିବା ସମୟରେ ସେତୁ ପୂର୍ବରୁ ନିର୍ମାଣ ହୋଇଥିବା ବେଆଇନ ହମ୍ପସରେ ବାଇକ ଚଢାଇ ଦେବାରୁ ୩ ଜଣ ଯାକ ରାସ୍ତା ଉପରକୁ ମୁହଁ ମାଡି ଛିଟିକି ପଡ଼ିଥିଲେ। ସାମ୍ନାରୁ ଆସୁଥିବା ହାଇୱା ଲାଇଟ ଆଖିରେ ପଡିବାରୁ ବାପୁନ ହମ୍ପସ ଜାଣି ପାରି ନଥିଲେ। ପାଖରେ ଥିବା ଢ଼ାବାରୁ ଲୋକେ ୩ ଜଣକୁ ଉଦ୍ଧାର କରି କରଞ୍ଜିଆ ଡାକ୍ତରଖାନା ପଠାଇ ଥିବାବେଳେ ଡାକ୍ତର ସେଠାରେ ଲିଲିମଣି ମୁଣ୍ଡାଙ୍କୁ ମୃତ ଘୋଷଣା କରିଥିଲେ। ଏନେଇ ପାଟଣା ଥାନା ମାମଲା ସଂଖ୍ୟା ୬୬/୨୦୨୫ ମୂଳେ ସାହାରପଡା ଫାଣ୍ଡି ଏଏସଆଇ ପଞ୍ଚମୀ ମହାନ୍ତ ମୃତକର ଆଜି ଶବ ବ୍ୟବଛେଦ କରାଇ ତାଙ୍କ ପରିବାରକୁ ହସ୍ତାନ୍ତର କରିଛନ୍ତି। ବାପୁନ ଓ ତାଙ୍କ ପତ୍ନୀ ଚିକିତ୍ସାଧୀନ ଅଛନ୍ତି।