ବିହାର ସରକାରଙ୍କ ୪୮୯ ଜଣ ଅଫିସର ବଦଳି

ବିହାର: ଲୋକସଭା ନିର୍ବାଚନ ଦୃଷ୍ଟିରୁ ବିହାର ସରକାର ୧୭ଜଣ ଆଇଏଏସ୍‍ ଅଫିସର ଓ ୨୮ଜଣ ଆଇପିଏସ୍‍ ଅଫିସରଙ୍କ ସମେତ ବିହାର ପ୍ରଶାସନିକ ସେବାର ୨୨୮ଜଣ ଏବଂ ବିହାର ପୁଲିସ ସେବାର ୨୧୬ଜଣ ମୋଟ ୪୮୯ ଜଣ ଅଫିସରଙ୍କୁ ବଦଳି କରିଛନ୍ତି। ନିର୍ବାଚନ କମିଶନ ସେହି ଅଫିସର ମାନଙ୍କୁ ବଦଳି କରିବା ପାଇଁ ନିର୍ଦ୍ଦେଶ ଦେଇଥିଲେ। ସେମାନଙ୍କ ମଧ୍ୟରୁ ଅଧିକାଂଶ ଅଫିସର ଗୋଟିଏ ସ୍ଥାନରେ ୩ ବର୍ଷରୁ ଅଧିକ ସମୟ ଧରି ରହିସାରିଛନ୍ତି। ଏହି କ୍ରମରେ ଭାଗଲପୁର, ପୂର୍ଣ୍ଣିଆ, ତିରହୁଟ, କୋଶି, ସରନ ଓ ସହରସା ଠାରେ ନୂଆ ଡିଭିଜନାଲ କମିଶନର ନିଯୁକ୍ତ ହୋଇଥିବାବେଳେ ସୀତାମାଢ଼ି ଓ କାଇମୁର ଏସ୍‍ପିଙ୍କୁ ବଦଳି କରାଯାଇଛି। ଏହା ଛଡା ବିହାର ପୁଲିସ ସେବାର ୩୫ ଜଣ ଅଫିସରଙ୍କ ବଦଳି କରାଯାଇଛି । ୧୮୧ ଜଣ ପଦୋନ୍ନତି ପାଇଥିବା ଡିଏସପିଙ୍କୁ ମଧ୍ୟ ନୂଆ ସ୍ଥାନରେ ଯୋଗ ଦେବାକୁ ନିର୍ଦ୍ଦେଶ ଦିଆଯାଇଥିବା ସୂଚନା ମିଳିଛି ।