ପାଟନା : ବିହାରର ସାରଣ ଜିଲା ରସୁଲପୁର ଥାନା ଅନ୍ତର୍ଗତ ଏକ ଗାଁରେ ପ୍ରେମ ବ୍ୟାପାରକୁ ନେଇ ଜଣେ ବ୍ୟକ୍ତି ଓ ତାଙ୍କ ୨ ଝିଅକୁ ଛୁରୀ ଭୁସି ହତ୍ୟା କରାଯିବା ଘଟଣା ହଇଚଇ ସୃଷ୍ଟି କରିଛି । ବ୍ୟକ୍ତିଙ୍କ ପତ୍ନୀ ଆହତ ଅବସ୍ଥାରେ ଚିକିତ୍ସିତ ହେଉଛନ୍ତି । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ଫ୍ଲିପକାର୍ଟ ସେଲ୍ ; ଟିଭି, ଫ୍ରିଜ୍, ଫୋନରେ ୬୦ ପ୍ରତିଶତ ପର୍ଯ୍ୟନ୍ତ ରିହାତି..
ପୁଲିସ ସମ୍ପୃକ୍ତ ଘଟଣାରେ ୨ ଜଣ ଅଭିଯୁକ୍ତକୁ ଗିରଫ କରି ତଦନ୍ତ କରୁଛି । ଘଟଣାସ୍ଥଳରୁ ପୁଲିସ ଛୁରୀ ଓ ରକ୍ତ ଲାଗି ଥିବା ପୋଷାକ ଜବତ କରିଛି । ୩ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ହସ୍ପିଟାଲ ପଠାଇଛି ।
ପୁଲିସ ସୂଚନାନୁଯାୟୀ, ବ୍ୟକ୍ତି ଜଣକ ଛାତ ଉପରେ ନିଜ ପତ୍ନୀ ଓ ୨ ଝିଅଙ୍କ ସହ ଶୋଇଥିଲେ । ରାତି ପ୍ରାୟ ୨ଟା ସମୟରେ ୨ଜଣ ଯୁବକ ପଛପଟ କବାଟ ଦେଇ ଘର ଭିତରେ ପ୍ରବେଶ କରିଥିଲେ । ଏହାପରେ ଛାତରେ ଶୋଇଥିବା ତାରକେଶ୍ୱର ସିଂହ ନାମକ ବ୍ୟକ୍ତି ଓ ତାଙ୍କ ୨ ଝିଅକୁ ଛୁରୀରେ ବାରମ୍ବାର ଆକ୍ରମଣ କରି ହତ୍ୟା କରିଥିଲେ । ଘଟଣା ସମୟରେ ୩ ଜଣ ନିଦରେ ଶୋଇଥିଲେ । ତାରକେଶ୍ୱରଙ୍କ ପତ୍ନୀ କୌଣସି ପ୍ରକାରେ ସେଠାରୁ ଖସି ନିଜ ଜୀବନ ରକ୍ଷା କରିଥିଲେ । ମାତ୍ର ସେ ଆହତ ହୋଇ ଚିକିତ୍ସିତ ହେଉଛନ୍ତି । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଖୋଳତାଡ କରିବା ସହ ତାରକେଶ୍ୱରଙ୍କ ପତ୍ନୀ କହିଥିବା ବୟାନ ଅନୁସାରେ ପୁଲିସ ଅଭିଯୁକ୍ତକୁ ଗିରଫ କରିଛି । ପ୍ରେମ ଘଟଣା ପାଇଁ ଏହି ହତ୍ୟାକାଣ୍ଡ ଘଟିଛି ବୋଲି ପ୍ରାଥମିକ ତଦନ୍ତରୁ ଜଣାପଡିଛି ।
Comments are closed.