ସାକ୍ଷୀଗୋପାଳ : ସତ୍ୟବାଦୀରେ ପ୍ରୟାସ ପରିବାର ତରଫରୁ ଆଜି ଏକ ବିଶାଳ ପରିବର୍ତ୍ତନ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଯୁବନେତା କାମାକ୍ଷା ପ୍ରଧାନଙ୍କ ନେତୃତ୍ୱରେ ଏହି ବିଶାଳ ଶୋଭାଯାତ୍ରା କଣାସ ବ୍ଲକ ଅନ୍ତର୍ଗତ ଗଡ଼ଖାରଦଠାରୁ ଆରମ୍ଭ ହୋଇ ସତ୍ୟବାଦୀ ବ୍ଲକ ଅନ୍ତର୍ଗତ ଶୁକଳଠାରେ ସତ୍ୟବାଦୀ ବ୍ଲକ ଅଞ୍ଚଳରେ ପ୍ରବେଶ କରି ସାକ୍ଷୀଗୋପାଳ ମନ୍ଦିର ନିକଟରେ ପହଞ୍ଚିଥିଲା । ଏହି ଶୋଭାଯାତ୍ରା ସାକ୍ଷୀଗୋପାଳ ବଜାର ପରିକ୍ରମା କରିଥିଲା ।
ଏହି ବିଶାଳ ଶୋଭାଯାତ୍ରା ସତ୍ୟବାଦୀରେ ପରିବର୍ତ୍ତନର ଶୁଭ ସୂଚନା ପ୍ରଦାନ କରୁଛି ବୋଲି କହିଥିଲେ ବରିଷ୍ଠ ବିଜେପି ନେତା କୃଷ୍ଣଚନ୍ଦ୍ର ଜଗଦେବ । ସତ୍ୟବାଦୀ ବ୍ଲକ ଓ କଣାସ ବ୍ଲକର ହଜାର ହଜାର ସଂଖ୍ୟାରେ ମହିଳା, ଯୁବକ, କୃଷକ ଓ ଗୁରୁଜନ ଏହି ଶୋଭାଯାତ୍ରାରେ ଯୋଗ ଦେଇଥିଲେ । ସତ୍ୟବାଦୀର ହକ ଓ ନ୍ୟାୟ ପାଇବା ନିମନ୍ତେ ସମସ୍ତେ ଏକାଠି ହୋଇଛନ୍ତି । ସତ୍ୟବାଦୀରେ ଏଥର ପରିବର୍ତ୍ତନ ହେବ ଓ ସୁଶାସନ ଆରମ୍ଭ ହେବ ବୋଲି କହିଥିଲେ ଯୁବ ନେତା କାମାକ୍ଷା ପ୍ରଧାନ ।
Comments are closed.