ଭୁବନେଶ୍ୱର: ଓଡ଼ିଶା ବିଦ୍ୟୁତ ସଞ୍ଚାରଣ ନିଗମ ଲିମିଟେଡ(ଓପିଟିସିଏଲ) କର୍ତ୍ତୃପକ୍ଷ ବାରମ୍ବାର ପ୍ରତିଶ୍ରୁତି ଦେବା ପରେ ମଧ୍ୟ ଶ୍ରମିକ କର୍ମଚାରୀଙ୍କୁ ଠକି ଚାଲିଛନ୍ତି। ବିଶେଷ କରି ଆଇଟିଆଇ ଶ୍ରମିକଙ୍କୁ ଦରମା, ପଦୋନ୍ନତି ସମେତ ବିଭିନ୍ନ କ୍ଷେତ୍ରରେ ଠକିଚାଲିଥିବା ଓଡ଼ିଶା ବିଦ୍ୟୁତ ଶ୍ରମିକ କର୍ମଚାରୀ ସଂଘ ମିଳିତ ମଞ୍ଚ ଅଭିଯୋଗ କରିଛି। ଶ୍ରମିକ କର୍ମଚାରୀଙ୍କ ହିତ ପାଇଁ ମଞ୍ଚ ପକ୍ଷରୁ ଆସନ୍ତା ୨୨ ତାରିଖରେ ଓପିଟିସିଏଲ ମୁଖ୍ୟ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦିଆଯିବ ବୋଲି ଆବାହକ ଅମର କୁମାର ପ୍ରତାପ ସିଂ ଏବଂ ସହ ଆବାହକ ସତ୍ୟବ୍ରତ ପରିଡା ଏକ ମିଳିତ ପ୍ରେସ ବିବୃତ୍ତିରେ ସୂଚନା ଦେଇଛନ୍ତି। ବୈଠକରେ ଅନ୍ୟମାନଙ୍କ ମଧ୍ୟରେ ବିଶୁଦ୍ଧାନନ୍ଦ ପରିଜା, ବିଜୟ ଭୂଜବଳ, ପ୍ରିୟବ୍ରତ ନାୟକ, ଦେବାଶିଷ ପ୍ରଧାନ, ମଳୟ ରଞ୍ଜନ ପାତ୍ର, ଗଗନ ବିହାରୀ ଲେଙ୍କା ପ୍ରମୁଖ ଉପସ୍ଥିତ ଥିଲେ।
Comments are closed.