ଭୁବନେଶ୍ୱର: ଆଇଏଲଏସ୍ ନିର୍ଦେଶକ ଡା. ଅଜୟ ପରିଡ଼ାଙ୍କ ପରଲୋକ ହୋଇଛି । ହୃଦଘାତ ଯୋଗୁ ଡା. ଅଜୟଙ୍କ ପରଲୋକ ହୋଇଥିବା ନେଇ ସୂଚନା ମିଳିଛି । ସୂଚନା ଅନୁଯାୟୀ ଡା. ଅଜୟ ପରିଡ଼ା ଏକ ସରକାରୀ କାର୍ଯ୍ୟକ୍ରମରେ ଗୌହାଟୀ ଗସ୍ତରେ ଥିଲେ । ସେଠାରେ ତାଙ୍କର ଏକ କନଫରେନ୍ସିଂରେ ଯୋଗଦେବାର କାର୍ଯ୍ୟକ୍ରମ ଥିଲା । ହେଲେ ଗତକାଲି ରାତିରେ ସେ ଶୋଇଥିବା ବେଳେ ହୃଦଘାତ ଯୋଗୁ ତାଙ୍କର ସେଠାରେ ପରଲୋକ ହୋଇଛି । ଏନେଇ ଆଇଏଲଏସ୍ ପକ୍ଷରୁ ସୂଚନା ଦିଆଯାଇଥିବା ବେଳେ ଖବର ପାଇ ଗୌହାଟୀ ଯାଇଛନ୍ତି ଅଜୟଙ୍କ ପାରିବାର ଲୋକେ । ସେମାନେ ସେଠରେ ପହଞ୍ଚିବା ପରେ ତାଙ୍କ ଶବବ୍ୟବଚ୍ଛେଦ କରାଯିବ । ଆସନ୍ତାକାଲି ତାଙ୍କ ପ୍ରାର୍ଥିବ ଶରୀର ଓଡ଼ିଶା ଆସିବ । ଆଇଏଲଏସ୍ ନିର୍ଦେଶକ ଡା. ଅଜୟ ପରିଡ଼ା ପଦ୍ମଶ୍ରୀ ପୁରସ୍କାର ପାଇଥିଲେ ।
Comments are closed.