ଭୋପାଳ : ମଧ୍ୟପ୍ରଦେଶର ରାଜଧାନୀ ଭୋପାଳରେ ସାମାନ୍ୟ ଅସାବଧାନତା ହେତୁ ଏକ ୪ ବର୍ଷ କୋମଳ ଶିଶୁର ଜୀବନ ଚାଲି ଯାଇଛି। ଖେଳୁଥିବା ସମୟରେ ହଠାତ ବୈଦ୍ୟୁତିକ ପାଣି ଗରମ ଯନ୍ତ୍ର ଦ୍ୱାରା ପାଣି ଗରମ ହେଉଥିବା ବାଲ୍ଟିକୁ ସ୍ପର୍ଶ କରି ଦେବାରୁ ବିଦ୍ୟୁତ ସଂସ୍ପର୍ଶରେ ଆସି ତାଙ୍କର ଜୀବନ ଚାଲି ଯାଇଛି। ଘଟଣାରେ ପରିବାର ସହ ଆଖପାଖ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି ହୋଇଛି।
ସୂଚନାନୁଯାୟୀ, ଘଟଣାଟି ଭୋପାଳର କୋଲାର ଥାନା ଅଞ୍ଚଳର। ପରିବା ବିକ୍ରି କରୁଥିବା ଜଣେ ବ୍ୟକ୍ତି ନିଜ ପତ୍ନୀ ଓ ଦୁଇ ଶିଶୁଙ୍କ ସହ ଏହି ଅଞ୍ଚଳରେ ବାସ କରନ୍ତି। ତାଙ୍କ ଦୁଇ ଶିଶୁଙ୍କ ମଧ୍ୟରେ ୪ ବର୍ଷର ଝିଅ ବୁଧବାର ଦିନ ନିକଟରେ ପଡୋଶୀଙ୍କ ଘରେ ଖେଳୁଥିଲା। ଖେଳୁଥିବା ସମୟରେ ଭୁଲ ବଶତଃ ସେ ପାଣି ଗରମ ହେଉଥିବା ଯନ୍ତ୍ରକୁ ସ୍ପର୍ଶ କରି ଦେଇଥିଲେ। ପଡୋଶୀ ତୁରନ୍ତ ତାଙ୍କ ଘର ଲୋକଙ୍କୁ ଜଣାଇବା ସହ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରିଥିଲେ। ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।
Comments are closed.