ବଡ଼ମ୍ବା : ଲଗାଣ ବର୍ଷା ଏବଂ ହୀରାକୁଦ ଜଳ ଭଣ୍ଡାରରୁ ଜଳନିଷ୍କାସନ କାରଣରୁ ଗତ ୩ଦିନଧରି ମହାନଦୀର ଜଳସ୍ତର ବଢିବାରେ ଲାଗିଛି । ଫଳସ୍ୱରୁପ କଟକ ଜିଲା ବଡ଼ମ୍ବାର ମହାନଦୀ କୂଳରେ ଅବସ୍ଥିତ ପ୍ରସିଦ୍ଧ ଶକ୍ତିପୀଠ ମା ଭଟ୍ଟାରିକାଙ୍କ ମନ୍ଦିର ବୁଧବାର ଅପରାହ୍ନରେ ବନ୍ୟାଜଳ ଘେରରେ ରହିଥିବା ଜଣାଯାଇଛି । ମନ୍ଦିର ବେଢା ଦେଇ ସଂନ୍ଧ୍ୟାସୁଦ୍ଧା ପ୍ରାୟ ୬ଫୁଟର ବନ୍ୟାଜଳ ପ୍ରବାହିତ ହେଉଛି। କୌଣସି ସମୟରେ ବନ୍ୟାଜଳ ମୁଖ୍ୟ ମନ୍ଦିର ପ୍ରବେଶ କରିବାସହ ଗର୍ଭଗୃହ ଦେଇ ପ୍ରଭାହିତ ହେବାର ଆଶଂକା ଉପୁଜିଛି। ଫଳସ୍ୱରୁପ ସେବାୟତମାନେ ମନ୍ଦିର ଭିତରୁ ଠାକୁରାଣୀଙ୍କ ସମସ୍ତ ଆସବାବପତ୍ର ସ୍ଥାନାନ୍ତର କରିସାରିଛନ୍ତି । ପରେ ରାତିରେ ଠାକୁରାଣୀଙ୍କ ବିଜେ ପ୍ରତିମାକୁ ମନ୍ଦିର ନିକଟସ୍ଥ ଅସ୍ଥାୟୀ ମନ୍ଦିରକୁ ବିଜେ କରାଯାଇଛି। ପରିସ୍ଥତି ଉପରେ ପ୍ରଶାସନ ସମେତ ମନ୍ଦିର ସେବାୟତମାନେ ଅହରହ ନଜର ରଖିଛନ୍ତି । ସୂଚନାନୁଯାଇ ନଦୀଗର୍ଭରୁ ବର୍ତ୍ତମାନ ପ୍ରାୟ ୭୦ଫୁଟ ଉଚ୍ଚର ବନ୍ୟାଜଳ ମନ୍ଦିର ପାଖଦେଇ ପ୍ରବାହିତ ହେଉଥିବା ଜଣାଯାଇଛି। ବନ୍ୟା ଦୃଶ୍ୟ ଦେଖିବାକୁ ନିଶ୍ଚିତଭାବେ ଆସନ୍ତାକାଲି ମନ୍ଦିର ନିକଟରେ ଭିଡ଼ ଜମିବ। ପରିସ୍ଥିତିକୁ ନଜରରେ ରଖି ପ୍ରଶାସନ ଆବଶ୍ୟକ ସତର୍କତା ଅବଲମ୍ବନ କରିବାକୁ ଭଟ୍ଟାରିକା ସେବାସୀ ନିବେଦନ କରିଛନ୍ତି।
Popular Categories
Previous article
Next article