ଭଦ୍ରକ: ଘରେ ପଶି ହାଣିଲେ ଓ ଲୁଟି ନେଲେ ଟଙ୍କା ଏବଂ ସୁନାଗହଣା। ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ନପଙ୍ଗ ଗାଁରେ ଏଭଳି କିଛି ଅଭାବନୀୟ ଘଟଣା ଦେଖିବାକୁ ମିଳିଛି। କିଛି ମୁଖା ପିନ୍ଧା ଦୁର୍ବୁତ୍ତ ୪ ଜଣଙ୍କୁ ହାଣି ଲକ୍ଷାଧିକ ଟଙ୍କା ଓ ସୁନା ଗହଣା ଲୁଟି ନେଇଛନ୍ତି। ବୁଧବାର ରାତିରେ ଦୁର୍ବୁତ୍ତମାନେ ମାଧବ ସେଠୀଙ୍କ ଘରେ ପଶି ଡକାୟତି କରିଛନ୍ତି। ଦୁର୍ବୁତ୍ତମାନେ ଚତୁରତାର ସହିତ ପ୍ରଥମେ ଘର ସମ୍ମୁଖରେ ଥିବା କୁକୁଡା ଭାଡିକୁ ଖୋଲିଦେଇଥିଲେ। କୁକୁଡା ଶଦ୍ଦ ଶୁଣି ଘର ଲୋକ ବାହାରକୁ ଚାଲି ଆସିଥିଲେ। ଏବଂ ଏହାର ସୁଯୋଗ ନେଇ ୬ଜଣ ମୁଖା ପିନ୍ଧା ଦୁର୍ବୁତ୍ତ ମାରଣାସ୍ତ୍ରରେ ଆକ୍ରମଣ କରି ଲୁଟ୍ କରିଥିଲେ। ଘରେ ଥିବା ମହିଳାଙ୍କ ଠାରୁ ସୁନାଗହଣା ଲୁଟିବା ସହ ଆକ୍ରମଣ କରିଛନ୍ତି। ଘରର ୩ ମହିଳା ଏବଂ ଜଣେ ପୁରୁଷଙ୍କୁ ଗୁରୁତର ଅବସ୍ଥାରେ ଭଣ୍ଡାରୀପୋଖରୀ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ପରେ ଖବର ପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ଅଧିକ ଛାନଭିନ୍ ଜାରି ରଖିଛି।
Comments are closed.