ବାସୁଦେବପୁର: ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ନଟାପଢା ଗାଁରେ ବିଷାକ୍ତ ମାଛ ତରକାରୀ ଖାଇ ଜଣେ ନାବାଳକର ମୃତ୍ୟୁ ଘଟିଛି। ଅନ୍ୟ ଜଣେ ନାବାଳକ ଗୁରୁତର ହୋଇଛି। ସୂଚନା ଅନୁସାରେ ବୁଧବାର ଗାଁକୁ ମାଛ ବିକାଳି ଆସିଥିବାବେଳେ ଦୁଇ ଶିଶୁପୁତ୍ରଙ୍କର ମା’ କନକଲତା ମାଛ କିଣି ତରକାରୀ କରିଥିଲେ।
ଏହି ତରକାରୀକୁ ଦୁଇ ଶିଶୁପୁତ୍ର ଖାଇଥିଲେ। ତରକାରୀ ଖାଇବା ପରେ ଦୁଇ ଶିଶୁପୁତ୍ରଙ୍କୁ ବୁଧବାର ସନ୍ଧ୍ୟାଠାରୁ ବାନ୍ତି ହୋଇଥିଲା। ଚିକିତ୍ସା ପାଇଁ ଗୁରୁବାର ସେମାନଙ୍କୁ ବାସୁଦେବପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଡାକ୍ତର ସୁଜିତ୍ କୁ ମୃତ ଘୋଷଣା କରିଥିବାବେଳେ ଗୁରୁତର ଅଜିତ୍ ର ଚିକିତ୍ସା ଜାରି ରହିଛି।
