ଭବାନୀପାଟଣା :ଆସନ୍ତା ଗୁରୁବାର ଦିନ ବହୁ ପ୍ରତିକ୍ଷୀତ ଉତ୍କେଲା ଏୟାର ପୋର୍ଟରୁ ଯାତ୍ରୀବାହୀ ବିମାନ ଚଳାଚଳ ଆରମ୍ଭ ହେବ । ଏଣୁ ଆଜିଠାରୁ ପ୍ରସ୍ତୁତି ଆରମ୍ଭ ହେଇ ଯାଇଛି । ଆଜି ଇଣ୍ଡିଆ ୱାନ ଏୟାରର ଏକ ୯ ସିଟର ଯାତ୍ରୀବାହୀ ବିମାନ ଉତ୍କେଲା ଏୟାର ପୋର୍ଟରେ ପରୀକ୍ଷା ମୂଳକ ଭାବେ ଓହ୍ଲାଇ ଥିଲା । ଏହି ବିମାନ ସକାଳ ୯ ଟା ୨୦ ମିନିଟରେ ଉତ୍କେଲା ବିମାନ ବନ୍ଦରରେ ଅବତରଣ କରି ୯ ଟା ୫୦ ମିନିଟରେ ପୁଣି ଭୁବନେଶ୍ୱର ବିମାନବନ୍ଦରକୁ ପ୍ରତ୍ୟାବର୍ତ୍ତନ କରିଥିଲା ।
ଆସନ୍ତା ୩୧ ତାରିଖ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ତଥା ଅନ୍ୟ ଅଧିକାରୀ ମାନେ ଆଭାସି ମାଧ୍ୟମରେ ଏହି ଏୟାର ପୋର୍ଟକୁ ଉଦ୍ଘାଟନ କରିବେ । ସେହିଭଳି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ଉପସ୍ଥିତ ରହି ଉତ୍କେଲା ଅଭିମୁଖେ ଆସିବାକୁ ଥିବା ପ୍ରଥମ ବିମାନକୁ ପତାକା ଦେଖାଇ ଉଦ୍ଘାଟନ କରିବାର କାର୍ଯ୍ୟକ୍ରମ ରହିଛି । ଏଣୁ ଉତ୍କେଲା ଏୟାର ପୋର୍ଟରେ କାଉଣ୍ଟ ଡାଉନ୍ ଆରମ୍ଭ ହୋଇଯାଇଛି । ବିଭାଗୀୟ ଉଚ୍ଚ ଅଧିକାରୀ ମାନେ ଉପସ୍ଥିତ ରହି ସମସ୍ତ କାର୍ୟ୍ୟକ୍ରମକୁ ତଦାରଖ କରୁଛନ୍ତି।
Comments are closed.