ଭବାନୀପାଟଣା : କଳାହାଣ୍ଡି ଦେଇ ଯାଇଥିବା ୨୬ ନମ୍ବର ଜାତୀୟ ରାଜପଥର ଯୋଲକୋ ଗାଁ ନିକଟରେ ଥିବା ପୋଲର ମରାମତି ଆରମ୍ଭ ହୋଇଛି। ଏଣୁ ଆଜି ସକାଳ ୬ ଟାରୁ ଏହି ପୋଲ ଦେଇ ଯାତାୟତ ବନ୍ଦ ରହିଛି । ପୋଲ ତଳେ ଲୁହା ପିଲାର ଦେଇ ମରାମତି କାମ ଆରମ୍ଭ ହୋଇଛି। ଏଣୁ ଭବାନୀପାଟଣା ଦେଇ ବଲାଙ୍ଗୀର ଏବଂ ଜୟପୁର ଯାତାୟତ କରୁଥିବା ଭାରିଯାନ ଗୁଡ଼ିକ ଅମାଠ ଛକ , ମଦନପୁର ରାମପୁର , ନର୍ଲା , ଛତିଗୁଡ଼ା ଦେଇ ଉଭୟ ପଟୁ ଯାତାୟତ କରିବାକୁ ଜିଲ୍ଲା ପ୍ରଶାସନ ପରାମର୍ଶ ଦେଇଛି । ସେହିଭଳି ଛୋଟ ଗାଡି ଗୁଡ଼ିକ ଲଇତରା ,ମାଟିଆ , ଉତ୍କେଳା ଦେଇ ଉଭୟ ପଟୁ ଭବାନୀପାଟଣା ଯିବାକୁ ପରାମର୍ଶ ଦେଇଛି ପ୍ରଶାସନ ।
ଏହି ମରାମତି କାର୍ୟ୍ୟ ସରିଲେ ଆସନ୍ତା ୨୬ ତାରିଖ ସକାଳ ୬ ଟା ପରେ ଯୋଲକୋ ପୋଲ ଦେଇ ଗାଡି ମୋଟର ଚଳାଚଳ କରିବ ବୋଲି କଳାହାଣ୍ଡି ଜିଲ୍ଲାପାଳ ଏକ ଘୋଷଣାନାମା ଜାରି କରିଛନ୍ତି । ଏହି ରାଜପଥରେ ଟ୍ରାଫିକ ନିୟନ୍ତ୍ରଣ ପାଇଁ ଭବାନୀପାଟଣା, କଲେଜ୍ ଛକ ,ଉତକେଲା ,ବୋରିଆ , ଜୋଲକୋ ଛକ ଏବଂ ଅମାଠ ଛକରେ ପୁଲିସ ମୁତୟନ କରାଯାଇଛି।
ପୋଲ ମରାମତି ପାଇଁ ଯାତାୟତ ବନ୍ଦ
Popular Categories
Previous article
Next article