ବେଗୁନିଆ : ଆଗାମୀ ଦିନରେ ବେଗୁନିଆ ବ୍ଲକରେ ଆକସ୍ମିକ ବିପତ୍ତିକୁ କିପରି ସାମନା କରାଯିବ ସେଥିପାଇଁ ବ୍ଲକ ସଭା ଗୃହରେ ବିଡିଓ ଲଷ୍ମୀଧର ସାହୁଙ୍କ ପ୍ରତେକ୍ଷ ତତ୍ୱାବଧାନରେ ଆଜି ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ନୋଡାଲ ଏନଜିଓର ସେକ୍ରେଟାରୀ ଜ୍ୟୋତ୍ସ୍ନା ଦାସ ଉପସ୍ଥିତ ରହି ଦୁର୍ବିପାକରୁ କେମିତି ଧନ ଜୀବନ ସୁରକ୍ଷିତ ରଖା ଯାଇ ପାରିବଏବଂ ଲୋକମାନଙ୍କୁ କିପରି ସଚେତନ କରାଯାଇପାରିବ ସେ ଉପରେ ଆଲୋଚନା କରିଥିଲେ। ତହସିଲଦାର ପୃଥ୍ୱୀରାଜ ମଣ୍ଡଳ ଲୋକମାନଙ୍କୁ କିପରି ବନ୍ୟା ବାତ୍ୟାରୁ ରକ୍ଷା କରାଯାଇପାରିବ ସେ ସମ୍ପର୍କରେ ଆଲୋଚନା କରିଥିଲେ। ସମସ୍ତେ ମିଳିମିଶି ଦୁର୍ବିପାକକୁ ସାମନା କରି ଲୋକମାନଙ୍କୁ ସୁରକ୍ଷିତ ରଖି ପାରିବା ବୋଲି ବିଡ଼ିଓ କହିଥିଲେ। ଜିପିଓ ଦେବାଶିଷ ସାହୁ ଏହି ବୈଠକକୁ ପରିଚାଳନା କରିଥିବାବେଳେ ସହକାରୀ ନିର୍ବାହୀଯନ୍ତ୍ରୀ ଏବଂ କନିଷ୍ଠ ଯନ୍ତ୍ରୀ ମାନେ ଉପସ୍ଥିତ ଥିଲେ।
Comments are closed.