ବେଗୁନିଆ: ବେଗୁନିଆ ଥାନା ଅନ୍ତର୍ଗତ ବଡପଦର ଗଜାତୋଟା ଜଙ୍ଗଲରେ ମଦ ପ୍ରସ୍ତୁତ ହେଉଥିବାର ଖବର ପାଇ ବେଗୁନିଆ ପୁଲିସ ସେଠାରେ ଚଢ଼ାଉ କରିଥିଲା । ଘଟଣାସ୍ଥଳରୁ ମଦ ପ୍ରସ୍ତୁତ କରିବା ଅଭିଯୋଗରେ ଜଣକୁ ଗିରଫ କରିଥିବା ବେଳେ ୧୫୦୦ ଲିଟର ପୋଚ ନଷ୍ଟ କରିଛି । ମଦ ପ୍ରସ୍ତୁତ ବହୁ ସରଞ୍ଜାମ ଜବତ କରି ଅଭିଯୁକ୍ତକୁ ଆଜି କୋର୍ଟ ଚାଲାଣ କରିଛି । ଖୋର୍ଦ୍ଧା ଜିଲ୍ଲା ଏସପି ଅଲେଖଚନ୍ଦ୍ର ପହିଙ୍କ ନିର୍ଦ୍ଦେଶ କ୍ରମେ ଏସଡିପିଓ ସୁଶୀଲ ମିଶ୍ରଙ୍କ ତତ୍ୱାବଧାନରେ ବେଗୁନିଆ ଥାନା ଅଧିକାରୀ ଲଷ୍ମୀପ୍ରସାଦ ଶତପଥୀ ଥାନା କର୍ମଚାରୀ ମାନଙ୍କ ସହିତ ଆଜି ସକାଳ ସମୟରେ ସେଠାରେ ଚଢ଼ାଉ କରିଥିଲେ । ସେଠାରେ ମଦ ପ୍ରସ୍ତୁତ କରୁଥିବା ବେଣୁ ପାଇକରାୟଙ୍କୁ ଗିରଫ କରିଥିବା ବେଳେ ୧୫୦୦ଲିଟର ପୋଚ ନଷ୍ଟ କରିଛି । ପ୍ରସ୍ତୁତ ହୋଇ ରହିଥିବା ୬ ଲିଟର ଦେଶୀ ମଦ ସହିତ ହାଣ୍ଡି ,ଡେକଚି ,ଟିଣ , ପ୍ଲାଷ୍ଟିକ ଡ୍ରମ ସହିତ ମଦ ପ୍ରସ୍ତୁତ ବହୁ ସରଞ୍ଜାମ ଜବତ ହୋଇଛି । ଧଳାପଥର ଫାଣ୍ଡି ଅଧିକାରୀ ଶରତଚନ୍ଦ୍ର ବେହେରାଙ୍କ ଅଭିଯୋଗ କ୍ରମେ ଥାନା ଏଏସଆଇ ସରୋଜ କୁମାର ସେନାପତି ଥାନାରେ ମାମଲା ରୁଜୁ କରି ଘଟଣାର ତଦନ୍ତ କରୁଥିବାବେଳେ ଅଭିଯୁକ୍ତଙ୍କୁ ଆଜି କୋର୍ଟ ଚାଲାଣ କରିଛନ୍ତି ।
Comments are closed.