ଭୁବନେଶ୍ଵର: ରାଜଧାନୀରେ ଦୁଇ ଜଣ ଯୁବକଙ୍କର ସନ୍ଦେହଜନକ ଭାବେ ମୃତ୍ୟୁ ହୋଇଛି। ଖାରବେଳ ନଗର ଥାନା ଅଧୀନ ପଞ୍ଜାବୀ କଲୋନୀରେ ଥିବା ମୋ ପିଠା କାରଖାନା ପରିସରରେ ଏଭଳି ଅଭାବନୀୟ ଘଟଣା ଘଟିଛି। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି କବାଟ ଭାଙ୍ଗି ଦୁଇ ଯୁବକଙ୍କ ମୃତଦେହ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ କ୍ୟାପିଟାଲ ହସ୍ପିଟାଲକୁ ପଠାଇଥିଲା। ମୃତ ଯୁବକ ଜଗତସିଂହପୁର ଦେବାଶିଷ ସାହୁ ଓ ଜ୍ଞାନରଞ୍ଜନ ବେହେରା ବୋଲି ଜଣାପଡିଛି। ଥାନା ଅଧିକାରୀ ରଜନୀକାନ୍ତ ମିଶ୍ର ସାଇଣ୍ଟିଫିକ୍ ଦଳ ସହ ଘଟଣାସ୍ଥଳରେ ତଦନ୍ତ କରିଥିଲେ। ସେମାନଙ୍କ ମୃତ୍ୟୁ ସନ୍ଦେହ ଘେରରେ ରହିଛି। ବିଷକ୍ରିୟା ନା ମଦ କିମ୍ବା କୌଣସି ନକଲି ନିଶାଦ୍ରବ୍ୟ ଖାଇବା ଦ୍ଵାରା ଏଭଳି ମୃତ୍ୟୁ ଘଟିଛି । ସେ ନେଇ ପୁଲିସ୍ ତଦନ୍ତ ଜାରି ରଖିଛି। କେଉଁ ପରିସ୍ଥିତିରେ ସେମାନଙ୍କର ମୃତ୍ୟୁ ଘଟିଲା, ସେ ନେଇ ସଂସ୍ଥାର ମାଲିକଙ୍କୁ ପଚରାଉଚରା କରାଯିବ ବୋଲି ସୂଚନା ମିଳିଛି।
Comments are closed.