ଭୁବନେଶ୍ଵର : ସବୁଠି ସାର ସମସ୍ୟା। ଚାଷୀଙ୍କୁ ସାର ନମିଳିବା , କଳାବଜାରୀ ଓ ଚାଷୀ ମାରଣ ନୀତି ବିରୁଦ୍ଧରେ ଆଜି ରାଜଭବନ ସମ୍ମୁଖରେ ବିଜେଡି ଧାରଣା ଓ ବିକ୍ଷୋଭ ପ୍ରଦର୍ଶନ କରିଛି। ରାଜ୍ୟରେ ସାରର ଅଭାବ ନାହିଁ ବୋଲି ସରକାର କହୁଥିବାବେଳେ ଚାଷୀଙ୍କୁ କଣ ପାଇଁ ସାର ମିଳୁନି ବୋଲି ପ୍ରଶ୍ନ କରିଛନ୍ତି ବିଜେଡି ନେତା। ଦଳ ରାଜ୍ୟପାଳଙ୍କୁ ଭେଟି ଦାବି ପତ୍ର ମଧ୍ୟ ପ୍ରଦାନ କରିଛି । ବିଜେଡି ନେତା ଓ କର୍ମୀମାନେ ବ୍ୟାରିକେଡ୍ ଭାଙ୍ଗି ଧସେଇ ପଶିବାକୁ ଉଦ୍ୟମ କରିଥିଲେ। ଫଳରେ ରାଜଭବନ ଆଗରେ ବିଜେଡି କର୍ମୀ -ପୁଲିସ୍ ମଧ୍ୟରେ ଧସ୍ତାଧସ୍ତି ପରିସ୍ଥିତି ଉପୁଜିଥିଲା। ସେପଟେ ଗଞ୍ଜାମ ଦିଗପହଣ୍ଡିରେ ମଧ୍ୟ ପ୍ରାଥମିକ ସେବା ସମବାୟ ସମିତି କାର୍ଯ୍ୟାଳୟ ପକ୍ଷରୁ ଚାଷୀ ମାନଙ୍କୁ ସାର ବଣ୍ଟନ କରାନଯାଇ ରବିବାର ରାତି ଅଧରେ ସମିତି ସମ୍ପାଦକ ନିଜ ସମ୍ପର୍କୀୟ ଏବଂ କିଛି ବ୍ୟବସାୟୀଙ୍କୁ ବେଆଇନ ଭାବେ ବିକ୍ରି କରିଥିବା ଅଭିଯୋଗ ହୋଇଛି। ଏହାର ପ୍ରତିବାଦରେ ଆଜି ଶହ ଶହ ଚାଷୀ ଗଣିଆନାଳ ଛକରେ ଏକତ୍ରିତ ହୋଇ ବ୍ରହ୍ମପୁର-ଦିଗପହଣ୍ଡି ଜାତୀୟ ରାଜପଥ ଅବରୋଧ କରିଥିଲେ। ଫଳରେ ରାସ୍ତାର ଉଭୟ ପାର୍ଶ୍ବରେ ଶହ ଶହ ଗାଡି ଅଟକି ରହିଥିଲା। ଖବର ପାଇ ଦିଗପହଣ୍ଡି ତହସିଲଦାର ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଚାଷୀଙ୍କୁ ବୁଝାସୁଝା କରିବା ପରେ ପରିସ୍ଥିତି ସ୍ଵାଭାବିକ ହୋଇଥିଲା।
Popular Categories
Previous article
Next article