ଭୁବନେଶ୍ବର : ଆସନ୍ତା ୨୭ରେ ବିଜେଡିର ଗୁରୁତ୍ବପୂର୍ଣ୍ଣ ବୈଠକ ବସିବ। ଶଙ୍ଖଭବନରେ ହେବାକୁ ଥିବା ଏହି ବୈଠକରେ ବିଜେଡି ସଭାପତି ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ ଯୋଗଦେବେ। ବୈଠକରେ ଦଳର ଆଗାମୀ କାର୍ଯ୍ୟଖସଡ଼ା ପ୍ରସ୍ତୁତ ହେବା ସହ ନିର୍ବାଚନ ପରାଜୟର କାରଣ ସମ୍ପର୍କରେ ଆଲୋଚନା ହେବ ବୋଲି ଜଣାପଡ଼ିଛି। ବରିଷ୍ଠ ବିଜେଡି ନେତା ଦେବୀପ୍ରସାଦ ମିଶ୍ରଙ୍କ ସୂଚନା ଅନୁଯାୟୀ, ଜିଲାଗୁଡ଼ିକର ସାଂଗଠନିକ କର୍ମକର୍ତ୍ତାଙ୍କ ସହ ଆଲୋଚନା ଏବଂ ଦଳ ସଭାପତି ଶ୍ରୀ ପଟ୍ଟନାୟକଙ୍କ ସହ ମତବିନିମୟ ଜାରି ରହିଛି। ୨୦ ଜିଲା କର୍ମକର୍ତ୍ତାଙ୍କ ସହ ଆଲୋଚନା ସରିଲାଣି। ଆଗକୁ ହେବାକୁ ଥିବା ବିଜେଡିର ପଦଯାତ୍ରା, ସଦସ୍ୟତା ଓ ଅନ୍ୟ ସାଂଗଠନିକ କାର୍ଯ୍ୟକ୍ରମ ଉପରେ ବିଚାର କରାଯାଉଛି। ୨୭ ତାରିଖ ଦିନ ଏ ବିଷୟରେ ଆଲୋଚନା ପାଇଁ ବୈଠକ ଡକାଯାଇଛି ବୋଲି ସେ କହିଛନ୍ତି।
Comments are closed.