ବାଉଁଶୁଣି : ବୌଦ୍ଧ ଜିଲ୍ଲା ବାଉଁଶୁଣୀ ଥାନା ଯୁରମୁଣ୍ଡା ନିକଟରୁ ୨୨ କେଜି ଗଞ୍ଜେଇ ଜବତ ମାମଲାର ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ବାଉଁଶୁଣୀ ପୁଲିସ। ମିଳିଥିବା ସୂଚନା ଅନୁଯାୟୀ ଦୁଇ ଜଣ ବ୍ୟକ୍ତି ବାଉଁଶୁଣି ଥାନା ସିଙ୍ଗାରି ଗ୍ରାମର ତପନ ଲୋହା (୨୭) ବୌଦ୍ଧ ଥାନା ଗଣ୍ଡପଦର୍ ଗ୍ରାମରଟି କୁମ୍ଭାର(୩୦)ଙ୍କୁ ଗଂଜେଇ ଚାଲାଣ କରୁଥିବା ସୂଚନା ପାଇ ବାଉଁଶୁଣୀ ଥାନା ପୁଲିସ ଯୁରାମୁଣ୍ଡା ଛକ ନିକଟରେ ଚଢାଉ କରିଥିଲା। ଯୁରାମୁଣ୍ଡା ଛକ ନିକଟରେ ତନଖି କରି ୨୨ କେଜି ଗଞ୍ଜେଇ ସହ ଏକ ମୋଟର ସାଇକେଲ ଜବତ କରି ଉଭୟଙ୍କୁ ଗିରଫ କରିଥିଲା। ଏ ସମ୍ପର୍କରେ ବାଉଁଶୁଣୀ ଥାନାରେ ଏକ ଏନଡିପିଏସ ମାମଲା ରୁଜୁ କରି ଉଭୟ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଥିବା ଥାନା ଅଧିକାରୀ ଅଞ୍ଜଳି ବିଶ୍ଵାଳ ସୂଚନା ଦେଇଛନ୍ତି।
Comments are closed.