ବାସୁଦେବପୁର: ଆଜି ବିଦେଇପୁର ଛକ ନିକଟରେ ସଡକ ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଛି। ଏହି ସଡକ ଦୁର୍ଘଟଣାରେ ଜଣେ ଗୁରୁତର ହୋଇଛନ୍ତି। କରଣପଲ୍ଲୀ ଗ୍ରାମର ପ୍ରାଣକୃଷ୍ନ ଦାସଙ୍କ ପୁଅ ସିତାରାମ(୪୨) ଓ ଗୋକୁଳ ମଣ୍ଡଳଙ୍କ ପୁଅ ଦେବଦତ୍ତ ଗୋଟିଏ ବୁଲେଟ ଯୋଗେ ବାସୁଦେବପୁରରୁ ନିଜ ଘରକୁ ଫେରୁଥିବା ବେଳେ ସେମାନଙ୍କ ସହ ଏକ ଆଇରନ ବୋଝେଇ ଟ୍ରକ ଧକ୍କା ଦେଇଥିଲା। ବୁଲେଟ ଓ ଆଇରନ ବୋଝେଇ ଟ୍ରକ ମୁହାଁମୁହାିଁ ଧକ୍କା ଦେବା ଫଳରେ ଘଟଣାସ୍ଥଳରେ ସିତାରାମର ମୃତ୍ୟୁ ଘଟିଥିଲା ଏବଂ ଦେବଦତ୍ତ ଗୁରୁତର ଭାବେ ଆହତ ହୋଇଥିଲେ। ଗୁରୁତର ଆହତ ଦେବଦତ୍ତଙ୍କୁ ଦୁର୍ଘଟଣା ସ୍ଥଳରୁ ଉଦ୍ଧାର ପରେ ବାସୁଦେବପୁର ଡାକ୍ତରଖାନାକୁ ଚିକିସ୍ଥା ପାଇଁ ଅଣାଯାଇଥିଲା। ସେଠାରେ ତାଙ୍କର ସ୍ୱାସ୍ଥ୍ୟବସ୍ଥା ଅଧିକ ଗୁରୁତର ହେବାରୁ ତାଙ୍କୁ ଭଦ୍ରକ ଜିଲ୍ଲା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି। କ୍ଷତି ପୂରଣ ଦାବୀରେ ସ୍ଥାନୀୟ ଲୋକେ ବିଦେଇପୁର ଛକ ଠାରେ ରାସ୍ତାରୋକ କରିଥିବା ସୂଚନା ମିଳିଛି ।
Comments are closed.