ଅଯୋଗ୍ୟ ହାତେଇଛନ୍ତି ରାସନକାର୍ଡ; ଯୋଗାଣ ବିଭାଗ କାର୍ଯ୍ୟାଳୟରେ ଝୁଲୁଛି ତାଲା

ବାସୁଦେବପୁର: ଅଯୋଗ୍ୟ ହାତେଇଛନ୍ତି ରାସନକାର୍ଡ । ପ୍ରକୃତ ହିତାଧିକାରୀମାନଙ୍କୁ ବାଦ ଦିଆଯାଇଛି । ଫଳରେ ରାସନକାର୍ଡ ପାଇଁ ଆଶାୟୀ ହୀତାଧିକାରୀମାନେ ଯୋଗାଣ ବିଭାଗ କାର୍ଯ୍ୟାଳୟକୁ ଦୌଡି ଦୌଡି ନୟାନ୍ତ ହେଉଛନ୍ତି । ଏଭଳି ପରିସ୍ଥିତିରେ ଯୋଗାଣ ବିଭାଗ କାର୍ଯ୍ୟାଳୟରେ ତାଲା ଝୁଲୁଥିବା ବେଳେ ଆଶାୟୀ ହିତାଧିକାରୀମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା । ଏମିତି ଘଟଣା ବାସୁଦେବପୁର ବ୍ଲକ ପରିସରରେ ଦେଖିବାକୁ ମିଳିଛି । ଆଜି ପଢୁଆଁ, ଅଢୁଆଁ, ନୂଆଗାଁ, ଇରମ, ଜଗନ୍ନାଥପୁର, ସୁଦର୍ଶନପୁର ଅଞ୍ଚଳର କେତେକ ଆଶାୟୀ ହିତାଧିକାରୀ ଯୋଗାଣ ବିଭାଗ କାର୍ଯ୍ୟାଳୟକୁ ଆସିଥିଲେ । କାର୍ଯ୍ୟାଳୟ ସଫାସୁତରା ନଥିବା ବେଳେ ଅପରିଷ୍କାର ପରିବେଶ ସୃଷ୍ଟି ହୋଇଛି । ଏହି ସମୟରେ କେତେକ ଦରକାରୀ ଫାଇଲ ତଳେ ପଡିଯାଇଥିଲା । ଅସନ୍ତୋଷ ପ୍ରକାଶ ପାଇବାରୁ ଯୋଗାଣ ବିଭାଗ କାର୍ଯ୍ୟାଳୟରେ ଆଶାୟୀ ହୀତାଧିକାରୀମାନଙ୍କ ନିକଟରେ କେତେକ ଜନପ୍ରତିନିଧୀ ପହଞ୍ଚି ଆଶ୍ୱାସନା ଦେଇଥିଲେ । ଏନେଇ ଯୋଗାଣ ବିଭାଗ ଅଧିକାରୀଙ୍କ ସହ ଯୋଗାଯୋଗ କରାଯାଇଥିଲା । ମାତ୍ର ସରକାରୀ କାର୍ଯ୍ୟାଳୟରେ ଜିଲ୍ଲା ଦପ୍ତରକୁ ଯାଇଥିବା ଜାଣିବାକୁ ମିଳିଛି । ତେବେ ଯୋଗାଣ ବିଭାଗର ଅନ୍ୟ କର୍ମଚାରୀମାନଙ୍କ ଅନୁପସ୍ଥିତକୁ କିଛି ସମୟ ପାଇଁ ଯୋଗାଣ ବିଭାଗ କାର୍ଯ୍ୟାଳୟ ସମ୍ମୁଖରେ ଚାପା ଉତ୍ତେଜନା ଦେଖାଦେଇଥିଲା ।