ବୌଦ୍ଧ : ଅଗଷ୍ଟ ମାସ ପହିଲାରେ ଜିଲ୍ଲାରେ ଲଗାଣ ବର୍ଷା ଯୋଗୁଁ ବୌଦ୍ଧ ସହରରେ ବନ୍ୟା ପରିସ୍ଥିତି ଦେଖାଦେଇଥିଲା । ତଳିଆ ଅଂଚଳରେ ବର୍ଷା ପାଣି ପ୍ରବେଶ କରି ବନ୍ୟା ପରିସ୍ଥିତି ସୃଷ୍ଟି କରିଥିଲା । ଏହି ଲଗାଣ ବର୍ଷାରେ ବ୍ୟାପକ କ୍ଷୟକ୍ଷତି ହୋଇଥିବା ବେଳେ ବର୍ଷା ଯୋଗୁଁ ଜଳେଶ୍ୱର ମନ୍ଦିରକୁ ଯାଇଥିବା ରାସ୍ତା ଧୋଇ ହୋଇଯାଇଛି । ବର୍ତ୍ତମାନ ବାଉଁଶ ପୋଲ କରି ଯିବା ଆସିବା କରାଯାଉଛି । ୫୭ ନମ୍ବର ଜାତୀୟ ରାଜପଥର ମତ୍ସ୍ୟ ବିଭାଗ କାର୍ଯ୍ୟାଳୟ ନିକଟରୁ ମହାନଦୀ କୂଳରେ ଥିବା ଜଳେଶ୍ୱର ମନ୍ଦିରକୁ ଏହି ରାସ୍ତାଟି ଯାଇଛି । ବର୍ତ୍ତମାନ ଶ୍ରବଣ ମାସ ଚାଲୁଥିବାରୁ ଜଳେଶ୍ୱର ମନ୍ଦିରରେ ଭକ୍ତଙ୍କ ଭିଡ ଜମୁଛି । ହେଲେ ବର୍ଷାରେ ରାସ୍ତା ଧୋଇଯିବା ଯୋଗୁଁ ଭକ୍ତଙ୍କ ଯିବା ଆସିବା କରିବାରେ ସମସ୍ୟା ଦେଖାଦେଇଛି। ସେହିପରି ଏହି ରାସ୍ତାରେ ଏକ ବିଦ୍ୟାଳୟ ପଡୁ ଥିବାରୁ ଛାତ୍ରଛାତ୍ରୀ ଓ ଅବିଭାବକମାନେ ଏହି ରାସ୍ତା ଦେଇ ବିଦ୍ୟାଳୟକୁ ଯାଇଥାନ୍ତି । ହେଲେ ରାସ୍ତା ଧୋଇହୋଇ ଯିବାରୁ ପିଲାମାନଙ୍କ ପଢିବା ପାଇଁ ଯିବା ଆସିବାରେ ସମସ୍ୟା ଦେଖାଦେଇଛି। ତେଣୁ ତୁରନ୍ତ ଏହି ରାସ୍ତାକୁ ନିର୍ମାଣ କରାଯିବାକୁ ପ୍ରଶାସନ ନିକଟରେ ଅଂଚଳବାସୀ ଦାବି କରିଛନ୍ତି।
Comments are closed.