ବରପାଲି଼ : ବରପାଲି ବ୍ଲକ କଦଲିପାଲି ଗ୍ରାମରେ ସ୍ଥିତ ସହିଦ ଅଶୋକ ବେହେରାଙ୍କୁ ପୁଲିସ ବାହିନୀ ପକ୍ଷରୁ ଶ୍ରଦ୍ଧାସୂମନ ଅର୍ପଣ ସହ ପିତା ଦୁଷ୍ଟ ବେହେରା ଓ ମାତା ଜୟକୁମାରୀ ବେହେରାଙ୍କୁ ସମ୍ବର୍ଦ୍ଧିତ କରାଯାଇଛି। ରାଜ୍ୟ ପୁଲିସ ନିର୍ଦେଶାଳୟ ନିର୍ଦେଶରେ ରାଜ୍ୟ ମୁଖ୍ୟାଳୟ଼ ଆରକ୍ଷୀ ଅଧିକାରୀ ବିବେକାନନ୍ଦ ଶର୍ମା ଓ ବରଗଡ଼ ଆରକ୍ଷୀ ଅଧିକାରୀ ପଦ୍ମିନୀ ସାହୁ ତଥା ସ୍ଥାନିୟ ଥାନାଧିକାରି ରୋଜାଲିନ ପଟେଲଙ୍କ ସମେତ ପୁଲିସ ବାହିନୀ ସହିଦ ଅଶୋକ ବେହେରାଙ୍କ ପ୍ରତିମୃତ୍ତିରେ ପୁଷ୍ପମାଳ ଅର୍ପଣ ସହ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ। ଏହି ଅବସରରେ ସହିଦଙ୍କ ପିତାମାତାଙ୍କୁ ଉତ୍ତରିୟ ଓ ପୁଷ୍ପଗୁଚ୍ଛ ପ୍ରଦାନ ସହ ସମ୍ମାନିତ କରିଥିଲେ। ଅତିଥି ମାନେ ସହିଦଙ୍କ ବଳିଦାନ ଓ ତ୍ୟାଗ ସମ୍ପର୍କିତ ତଥ୍ୟ ଉପରେ ଉପସ୍ଥାପନ କରିଥିଲେ। ସେହିପରି ଥାନାରେ ସହିଦଙ୍କ ଦୁଇଟି ଫଟଚିତ୍ର ଅତିଥିମାନଙ୍କ ଦ୍ୱାରା ଉନ୍ମୋଚିତ ହୋଇଥିଲା।
ଗତ ୨୦୧୦ ଅପ୍ରେଲ ୪ତାରିଖ କୋରାପୁଟ ଜିଲ୍ଲା ବୈପାରିଗୁଡ଼ା ମନ୍ତ୍ରୀଅମ୍ବା ନିକଟସ୍ଥ ଏକ କଲଭର୍ଟ ଉପରେ ମାଓସିଷ୍ଟମାନଙ୍କ ଦ୍ୱାରା ବିଛାଯାଇଥିବା ଳାଣ୍ଡମାଇନ୍ସ ଶିକାରରେ ଅଶୋକଙ୍କ ମୃତ୍ୟୁ ହୋଇଥିଲା। ଦୁର୍ଘଟଣା ଦିନ ଅପରାହ୍ନରେ ସମୟରେ ୨୦ଜଣ ଯବାନଙ୍କୁ ଧରି ଏକ ବିଭାଗୀୟ ବସ୍ ବୈପାଉରିଗୁଡ଼ାରୁ ଏକ ନିର୍ଦ୍ଧିଷ୍ଟ ସ୍ଥାନକୁ ନେଉଥିଲା। ଯବାନମାନେ ଆସୁଥିବା ସୁରାକ ପାଇ ମାଓବାଦୀମାନେ ପୁର୍ବରୁ ମନ୍ତ୍ରୀଗୁଡ଼ା ଏକ ଅଣ ଓସାରିଆ ପୋଲ ଉପରେ ଲାଣ୍ଡମାଇନ୍ସ ବିଛାଇ ଜାଲ ବୁଣିଥିଲେ। ବସଟି ପୋଲପାର ହେଉଥିବାବେଳେ ବିସ୍ଫୋରଣ ହୋଇ ବସଟି ଉପରକୁ ଉଠିଯିବା ସହ ୧୧ଜଣ ଯବାନ ଘଟଣାସ୍ଥଳରେ ସହିଦ ହୋଇଥିଲେ।
