ପୁଅର ଟାଙ୍ଗିଆ ଚୋଟରେ ବାପା ମୃତ
![](https://samajalive.in/wp-content/uploads/2022/06/WhatsApp-Image-2022-06-10-at-1.33.16-PM-750x430.jpeg)
ପଦ୍ମପୁର: ପାରିବାରିକ କଳହର କରୁଣ ପରିଣତି । ପୁଅର ଟାଙ୍ଗିଆ ଚୋଟରେ ବାପାଙ୍କ ମୃତ୍ୟୁ ହୋଇଛି । ଏଭଳି ଅଭାବନୀୟ ଘଟଣା ଘଟିଛି ବରଗଡ ଜିଲା ପଦ୍ମପୁର ଉପଖଣ୍ଡ ପାଇକମାଲ ଥାନା ଡୁଙ୍ଗୁରିପାଲି ଗାଁରେ । ସୂଚନା ଅନୁସାରେ ଡୁଙ୍ଗୁରିପାଲି ଗାଁର ଧନଞ୍ଜୟ ଅଜଗର ଓ ତାଙ୍କ ସ୍ତ୍ରୀଙ୍କ ମଧ୍ୟରେ ଅଧିକାଂଶ ସମୟ ଝଗଡା ହେଉଥିଲା । ଫଳରେ ମାଙ୍କୁ ମାମୁଁ ଘରକୁ ପଠାଇ ଦେଇଥିଲା ବଡ ପୁଅ । ଏଥିରେ ଉତକ୍ଷିପ୍ତ ହୋଇ ବାପା ପୁଅ ବିଦ୍ୟାଧରକୁ ଗାଳିଗୁଲଜ କରିବାରୁ ଦୁହିଁଙ୍କ ମଧ୍ୟରେ ମତାନ୍ତର ଉଗ୍ର ରୂପ ନେଇଥିଲା । ଏହି ସମୟରେ ପୁଅ ବାପାଙ୍କ ଉପରକୁ ଟାଙ୍ଗିଆରେ ଆକ୍ରମଣ କରିବାରୁ ଗୁରୁତର ହୋଇଥିଲେ ବାପା । ସାଙ୍ଗେ ସାଙ୍ଗେ ଡାକ୍ତରଖାନାରେ ଭର୍ତ୍ତି କରାଯାଇଥିଲା, ହେଲେ ସେଠାରେ ସ୍ୱାସ୍ଥ୍ୟବସ୍ଥା ଖରାପ ହେବାରୁ ତାଙ୍କୁ ବୁର୍ଲା ମେଡିକାକୁ ସ୍ଥାନାନ୍ତର କରାଯାଇଥିଲା । ଚିକିତ୍ସାଧିନ ଅବସ୍ଥାରେ ବାପା ଧନଞ୍ଜୟଙ୍କ ମୃତ୍ୟୁ ହୋଇଥିବା ଜଣାପଡିଛି ।
Comments are closed.