ବାଙ୍କୀ : ବାଙ୍କୀ ବ୍ଲକ ଅଧିନ ପଥୁରୀପଡା ଠାରେ ମହାବେରେଣା ବିଦ୍ୟାପୀଠ କ୍ରୀଡା ପ୍ରାଙ୍ଗଣରେ ସଞ୍ଚାଳିତ ମା ମଙ୍ଗଳା କ୍ରିକେଟ୍ ଟୁର୍ଣ୍ଣାମେଣ୍ଟର ୨ଦିବସର ଖେଳ ମଇଯୋରୀ କ୍ରିକେଟ ଟିମ୍ ଏବଂ ତୁଳସୀପୁର କ୍ରିକେଟ୍ କ୍ଲବ ମଧ୍ୟରେ ମଙ୍ଗଳବାର ଦିନ ଅନୁଷ୍ଠିତ ହୋଇଯାଇଛି। ମଇଯୋରୀ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ଓଭର ଖେଳରେ ୯ ୱିକେଟ ହରାଇ ୧୫୮ରନ ସଂଗ୍ରହ କରିଥିଲା। ଜବାବରେ ତୁଳସୀପୁର ୧୬ଓଭର ଖେଳି ୩ ୱିକେଟ ହରାଇ ବିଜୟୀ ହୋଇଛି। ଦଳ ପକ୍ଷରୁ ଚିଣ୍ଟୁ ୫୩ରନ ସଂଗ୍ରହ କରି ମ୍ୟାନ ଅଫ୍ଦିମ୍ୟାଚ୍ ବିବେଚିତ ହୋଇଛି। ଦ୍ୱୀତୀୟ ଦିନର ଖେଳରେ ମୁଖ୍ୟ ଅତିଥି ଭାବରେ କଳ୍ପତରୁ ପଣ୍ଡା ଓ ସମ୍ମାନିତ ଅତିଥି ଭାବରେ ଅଜୟ ପଣ୍ଡା ଯୋଗଦେଇ ଖେଳାଳୀ ମାନଙ୍କୁ ଉତ୍ସାହିତ କରିଥିଲେ। ସୂଚନା ଅନୁଯାୟୀ ସୋମବାର ଦିନ ଉଦ୍ଦ୍ଘାଟିତ ହୋଇଥିବା ଏହି ଟୁର୍ଣ୍ଣାମେଣ୍ଟରେ ମୁଖ୍ୟ ଅତିଥି ଭାବରେ ଗଙ୍ଗାଧର ଓଝା ଯୋଗଦେଇ ଗ୍ରାମାଞ୍ଚଳରେ କ୍ରୀଡାର ବିକାଶ ପାଇଁ ମା ମଙ୍ଗଳା ଯୁବ ପରିଷଦର ସଦସ୍ୟଙ୍କ ଆହ୍ୱାନକୁ ପ୍ରଶଂସା କରିଥିଲେ। ସଭାପତି ମଧୁସୂଦନ ମହାପାତ୍ରଙ୍କ ସଞ୍ଚାଳନରେ ଅନୁଷ୍ଠିତ ଉଦ୍ଦ୍ଘାଟନୀ ଖେଳରେ ସମ୍ମାନିତ ଅତିଥି ଭାବରେ ବିଜୟ କୁମାର ମହାନ୍ତି,ରାଧାମୋହନ ସାହୁ ଯୋଗଦେଇଥିଲେ। ଆୟୋଜକ ଅନୁଷ୍ଠାନର ସଭାପତି ନକୁଳ ମିଶ୍ର ଓ ସଦସ୍ୟ ମାନେ ସକ୍ରୀୟ ସହଯୋଗ କରିଥିଲେ। ଉଦ୍ଦ୍ଘାଟନୀ ଟୁର୍ଣ୍ଣାମେଣ୍ଟ ବାଙ୍କୀ ଇଲେଭେନଷ୍ଟାର ଏବଂ କୁଶୁପଲ୍ଲା ମଧ୍ୟରେ ଅନୁଷ୍ଠିତ ହୋଇଥିଲା। ସମ୍ବିତ ନାୟକ,ଗୋପୀନାଥ ଦାସ ଏବଂ ଟୁକୁନା ନାଏକ ପ୍ରମୁଖ ଖେଳକୁ ପରିଚାଳନା କରିଥିଲେ।
Popular Categories
Previous article
Next article