ବାଙ୍କୀ: ଶନିବାର ଦିନ ପୂର୍ବାହ୍ନରେ ବାଙ୍କୀ ବିଜୁ ଜନତା ଦଳ କାର୍ଯ୍ୟାଳୟ ଠାରେ ବ୍ରହ୍ମପୁରା ଗ୍ରାମପଞ୍ଚାୟତର ଏକ ମିଶ୍ରଣପର୍ବ ଅନୁଷ୍ଠିତ ହୋଇଯାଇଛି। ବ୍ରହ୍ମପୁରା ପଞ୍ଚାୟତ ସମିତି ସଭ୍ୟ ଗୋବର୍ଦ୍ଧନ ମହାରଣାଙ୍କ ନେତୃତ୍ୱରେ ଅନ୍ୟଦଳ ଛାଡି ବହୁ ବ୍ୟକ୍ତି ସ୍ୱେଚ୍ଛାକୃତ ଭାବରେ ବିଜୁ ଜନତା ଦଳରେ ଯୋଗଦେଇଛନ୍ତି। ବାଙ୍କୀର ପୂର୍ବତନ ବିଧାୟକ ପ୍ରଭାତ କୁମାର ତ୍ରିପାଠୀ ସମସ୍ତ ନବାଗତ ମାନଙ୍କୁ ଦଳୀୟ ଉତ୍ତରୀୟ ପ୍ରଦାନ କରି ଦଳକୁ ସ୍ୱାଗତ କରିଛନ୍ତି। ଏହି ସମୟରେ ଜିଲ୍ଲା ସାଧାରଣ ସମ୍ପାଦକ ସନାତନ ବେହେରା,ବରିଷ୍ଠ ବିଜେଡି ନେତା ସୁବାଷ ପାଢୀ,ସମରେନ୍ଦ୍ର ମହାପାତ୍ର ପ୍ରମୁଖ ଉପସ୍ଥିତ ଥିଲେ। ସୂଚନା ଅନୁଯାଇ ବ୍ରହ୍ମପୁରା ଗ୍ରାମର ଗଙ୍ଗାଧର ଦେବତା, ରତ୍ନାକର ସାମଲ, ସଦାନନ୍ଦ ସାହୁ, ବିବେକା ସାହୁ, ଯୋଗେନ୍ଦ୍ର ଦେବତା, କୃଷ୍ଣଚନ୍ଦ୍ର ଜେନା, ପରି ସାମଲ, ସୁବାଷ ସ୍ୱାଇଁ, ଦିଲ୍ଲିପ ରାଉତ, ଦେବରାଜ ବେହେରା, କୃଷ୍ଣଚନ୍ଦ୍ର ନାୟକ ପ୍ରମୁଖ ବିଜୁ ଜନତା ଦଳରେ ଯୋଗଦେଇଛନ୍ତି। ଏହା ଦ୍ୱାରା ପଞ୍ଚାୟତର ବିଜେଡି ଦଳର ସ୍ଥିତି ମଜବୁତ ହୋଇଥିବା ଜଣାପଡିଛି।
Comments are closed.