ସମାଜ ଡିଜିଟାଲ ଡେସ୍କ: ଆଜି କାର୍ତ୍ତିକ ପୂର୍ଣ୍ଣିମାରେ ବାଙ୍କୀରେ ଅଭାବନୀୟ ଘଟଣା ଘଟିଛି । କଟକ ଜିଲା ବାଙ୍କୀ ଶିଶୁଆ ଗାଁରେ ଜ୍ୱାଇଁର ଉନ୍ମତକାଣ୍ଡ । ସ୍ତ୍ରୀ ସହ ଶାଶୁ ଓ ଶ୍ୱଶୁରଙ୍କୁ କଟୁରୀରେ ହାଣିଲା ଜ୍ୱାଇଁ । ସ୍ତ୍ରୀକୁ ସାଙ୍ଗରେ ନେବାକୁ ବାଧ୍ୟ କରିଥିଲା ଜ୍ୱାଇଁ । ଏହି ସମୟରେ ସ୍ତ୍ରୀ ଅରାଜି ହୋଇଥିଲେ ଏବଂ ଶାଶୁ ଓ ଶ୍ୱଶୁର ବିରୋଧ କରିବାରୁ ସମସ୍ତଙ୍କୁ ଆକ୍ରମଣ କରିଥିଲା ଜ୍ୱାଇଁ । ତିନି ଜଣଙ୍କୁ କଟୁରୀରେ ହାଣି ଆକ୍ରମଣ କରିଥିଲା । ରକ୍ତ ଜୁଡୁବୁଡୁ ଅବସ୍ଥାରେ ସମସ୍ତଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି । ସଙ୍କଟାପନ୍ନ ଅବସ୍ଥାରେ ସ୍ତ୍ରୀଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଥିବା ସୂଚନା ମିଳିଛି ।
