ଭୁବନେଶ୍ୱର : ବ୍ୟାଙ୍କ ଅଫ୍ ଇଣ୍ଡିଆ, ଭୁବନେଶ୍ୱର ଅଞ୍ଚଳ ପକ୍ଷରୁ ଏକ ଗ୍ରାହକ ସଂଯୋଗୀକରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବ୍ୟାଙ୍କର ମୁମ୍ବାଇସ୍ଥିତ ମୁଖ୍ୟ କାର୍ଯ୍ୟାଳୟର ପରିଚାଳନା ନିର୍ଦ୍ଦେଶକ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଅତନୁ କୁମାର ଦାସଙ୍କ ସମେତ ବ୍ୟାଙ୍କର ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଏହି କାର୍ଯ୍ୟକ୍ରମରେ ଯୋଗ ଦେଇ ଗ୍ରାହକମାନଙ୍କୁ ସ୍ୱାଗତ କରିଥିଲେ । ଏ.କେ. ଦାସ ଗ୍ରାହକମାନଙ୍କୁ ଶୁଭେଚ୍ଛା ଜଣାଇବା ସହ ବ୍ୟାଙ୍କ ପ୍ରତି ଥିବା ଗ୍ରାହକମାନଙ୍କର ସମର୍ଥନ ଓ ପ୍ରତିବଦ୍ଧତା ପାଇଁ ଧନ୍ୟବାଦ ଜଣାଇଥିଲେ । ବ୍ୟବସାୟରେ ସମର୍ଥନ ଓ ଲୋକମାନଙ୍କର ଆର୍ଥିକ ସ୍ଥିତିରେ ଉନ୍ନତି ଆଣିବାକୁ ବ୍ୟାଙ୍କ ଅଫ୍ ଇଣ୍ଡିଆ ନିରନ୍ତର ଉଦ୍ୟମ ଜାରି ରଖିଛି ବୋଲି ଶ୍ରୀ ଦାସ ପ୍ରକାଶ କରିଥିଲେ ।
୨୦୦ରୁ ଅଧିକ ଗ୍ରାହକ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ସରକାରୀ ଫ୍ଲାଗ୍ସି୍ ଏବଂ ଆତ୍ମ ନିର୍ଭର ଭାରତ ଯୋଜନା ଆଦି ବିଭିନ୍ନ ପ୍ରାଥମିକ ଋଣ କ୍ଷେତ୍ରରେ ଓଡିଶା ଅଧିନରେ ଥିବା ବ୍ୟାଙ୍କର ୪ଟି ଜୋନ୍ : ଭୁବନେଶ୍ୱର, କେନ୍ଦୁଝର, ସମ୍ବଲପୁର ଓ ବାରିଦାର ଗ୍ରାହକମାନଙ୍କୁ ବ୍ୟାଙ୍କ ପକ୍ଷରୁ ୨୦୦କୋଟି ଟଙ୍କାର ଋଣ ମଞ୍ଜୁରୀ ପତ୍ର ପ୍ରଦାନ କରାଯାଇଥିଲା । ଏମ୍ଏସ୍ଏମ୍ଇ, କୃଷି, ରିଟେଲ୍, ପ୍ରଧାନ ମନ୍ତ୍ରୀ ମୁଦ୍ରା ଯୋଜନା, ସ୍ୱୟଂ ସହାୟକ ଗୋଷ୍ଠୀ ଋଣ, ଷ୍ଟାଣ୍ଡ୍
ଅପ୍ ଇଣ୍ଡିଆ, ପ୍ରଧାନ ମନ୍ତ୍ରୀ ସ୍ୱନିଧି ଅଧିନସ୍ଥ ଋଣ ଗ୍ରାହକ ସଂଯୋଗୀକରଣ କାର୍ଯ୍ୟକ୍ରମରେ ଅନ୍ତର୍ଭୁକ୍ତ କରାଯାଇଥିଲା ।
ନ୍ୟାସ୍ନାଲ ବ୍ୟାଙ୍କିଙ୍ଗ୍ ଗ୍ରୁ୍, ଇଷ୍ଟ ଅଧିନରେ ଆୟୋଜିତ ଏହି ସଂଯୋଗୀକରଣ କାର୍ଯ୍ୟକ୍ରମରେ ୩୫୦ କୋଟି ଟଙ୍କାର ଋଣ ମଞ୍ଜୁରୀ ପତ୍ର ୨୦୦ ଗ୍ରାହକଙ୍କୁ ପ୍ରଦାନ କରାଯାଇଥିଲା । ସାମାଜିକ ସୁରକ୍ଷା ଯୋଜନା ଗୁଡିକୁ ଲୋକପ୍ରିୟ କରାଇବାରେ ଏବଂ ଏଗୁଡିକୁ କାର୍ଯ୍ୟକାରୀ କରାଇବାରେ ବ୍ୟାଙ୍କ ଅଫ୍ ଇଣ୍ଡିଆ ପ୍ରମୁଖ ଭୂମିକା ଗ୍ରହଣ କରିଛି ଏବଂ ସରକାରଙ୍କ ସାମାଜିକ ସୁରକ୍ଷା ଯୋଜନାଗୁଡିକ : ପ୍ରଧାନ ମନ୍ତ୍ରୀ ସୁରକ୍ଷା ବୀମା ଯୋଜନା (ପିଏମ୍ଏସ୍ବିୱାଇ),
ପ୍ରଧାନ ମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା (ପିଏମ୍ଜେଜେବିୱାଇ ), ଅଟଳ ପେନ୍ସନ୍ ଯୋଜନା (ଏପିୱାଇ) ଆଦିର ବାଧ୍ୟତାମୂଳକ ବଜେଟ୍ ଅତିକ୍ରମ କରିସାରିଛି । ବ୍ୟାଙ୍କ ଅଫ୍ ଇଣ୍ଡିଆ, ଏନ୍ବିଜି ଇଷ୍ଟ ଜୋନ୍, ପିଏମ୍ଏସ୍ବିୱାଇ,ପିଏମ୍ଜେଜେବିୱାଇ ଓ ଏପିୱାଇ ଅଧିନରେ ୫୦୦୦ ଜଣ ନାମାଙ୍କନ କରିଛନ୍ତି । ଶ୍ରୀ ଦାସ ଏହି ଅବସରରେ ରାଜ୍ୟ ପାଇଁ ଏକ ବିଶେଷ ପ୍ରସ୍ତାବିତ ଏନ୍ବିଜି ପ୍ରତିଷ୍ଠା କରାଯିବା ବିଷୟରେ ଅବଗତ କରାଇଥିଲେ ।
ଏହା ରାଜ୍ୟର ଉନ୍ନତ ପ୍ରଶାସନିକ ବ୍ୟବସ୍ଥା ଏବଂ ଗ୍ରାହକ ମାନଙ୍କ ସହ ନିବିଡ ଭାବେ ଯୋଡି ହେବା ସହିତ ସାମାଜିକ- ଅର୍ଥନୈତିକ ବିକାଶର ବ୍ୟାପକ ସୁଯୋଗ ସୃଷ୍ଟି କରିାରିବ ବୋଲି ସେ କହିଥିଲେ ।
