ବାଙ୍ଗିରିପୋଷି: ଶିମିଳିପାଳ ଅଭୟାରଣ୍ୟରେ ଥମିବାର ନାଁ ନେଉ ନାହିଁ ଶିକାରୀଙ୍କ ପ୍ରାଦୁର୍ଭାବ। ଶିକାର କରି ବାରମ୍ୱାର ଧରା ପଡ଼ିଥିଲେ ମଧ୍ୟ ସେମାନଙ୍କ ମଧ୍ୟରେ ରହୁନି ଭୟ । ବାରହା ଶିକାର କରି ପୁଣି ଧରାପଡ଼ିଛନ୍ତି ୩ ଶିକାରୀ।
ପ୍ରାପ୍ତ ସୂଚନା ମୁତାବକ, ବଡ଼ଗାଁ ରେଞ୍ଜ ଅଞ୍ଚଳରେ ଏକ ଜଙ୍ଗଲୀ ବାରହା ମାରି ମାଂସ ରୋଷେଇ କରୁଥିବା ବେଳେ କୌଣସି ସୂତ୍ରରୁ ସୂଚନା ପାଇ ଅଚାନକ ମାଡି ବସିଥିଲା ବନ ବିଭାଗର ଏସଟିଏଫ ଟିମ। ସେମାନଙ୍କ ମଧ୍ୟରୁ ତିନି ଶିକାରୀଙ୍କୁ ଅଟକ ରଖିଥିବା ବେଳେ ସେମାନଙ୍କ ଠାରୁ ୬ କିଲୋରୁ ଉର୍ଦ୍ଧ୍ବ ମାଂସ, ଦୁଇଟି କୁରାଢି, ଡେକଚି, ବାସନକୁସନକୁ ବନ ବିଭାଗ ଜବତ କରିଛି। ଅଧିକ ତଦନ୍ତ ଚାଲୁ ଥିବାରୁ ବିଭାଗ ଶିକାରୀମାନଙ୍କ ନାଁ ପ୍ରକାଶ କରି ନାହାନ୍ତି। ଏ ବାବଦରେ ଘଟଣାସ୍ଥଳରୁ ଜବତ ମାଂସକୁ ବାଙ୍ଗିରିପୋଷି ପଶୁ ଡାକ୍ତରଖାନାରେ ପରୀକ୍ଷଣ କରା ଯାଇଥିବା ସୂଚନା ମିଳିଛି।
୨୭ ବର୍ଷ ପରେ ଗୁରୁଙ୍କ ନକ୍ଷତ୍ରରେ ଶନି ଚଳନ; ଏହି ୩ ରାଶି ହେବେ ମାଲାମାଲ୍, ଭାଗ୍ୟଶାଳୀ..
