ଗୁରୁଡ଼ିଝାଟିଆ: ଦେଶୀ ମଦ ନାଁରେ ଜଙ୍ଗଲ ମଧ୍ୟରେ ପ୍ରସ୍ତୁତ ହେଉଛି ବିଷ। ଯାହାକୁ ରାଜ୍ୟର ବିଭିନ୍ନ ସ୍ଥାନକୁ ଚୋରା ଚାଲାଣ ହେଉଛି। ବିଷାକ୍ତ ମଦ ପାନ କରି ମୃତ୍ୟୁ ଘଟୁଥିବା ବେଳେ ଅନେକ ରୋଗ ଗ୍ରସ୍ତ ହୋଇଥାନ୍ତି। ଏଭଳି ଚିତ୍ର ଦେଖିବାକୁ ମିଳିଛି ଖୁଣ୍ଟୁଣୀ ଥାନା ଅଂଚଳରେ।
ଭୋରରୁ ଜିଲ୍ଲା ଗ୍ରାମାଞ୍ଚଳ ଆରକ୍ଷୀ ଅଧିକ୍ଷକ ପ୍ରତୀକ ସିଂହଙ୍କ ନିର୍ଦ୍ଦେଶ କ୍ରମେ ଚୌଦ୍ଵାର ଉପଖଣ୍ଡ ଆରକ୍ଷୀ ଅଧିକ୍ଷକ ଉମାକାନ୍ତ ନାୟକଙ୍କ ନେତୃତ୍ୱରେ ବନିଆବନ୍ଧ ସଂରକ୍ଷିତ ଜଙ୍ଗଲରେ ଚଢାଉ କରାଯାଇଥିବା ବେଳେ ସେଠାରେ ରାସାୟନିକ ସାରରେ ପ୍ରସ୍ତୁତି ଦେଶୀ ମଦ, ଘଟଣାସ୍ଥଳରୁ ୨୦ କିଲୋ ରାସାୟନିକ ସାର, ୫୦ଲିଟର ଦେଶୀ ମଦ, ହାଣ୍ଡି ଜବତ କରିଥିବା ବେଳେ ମଦ ପ୍ରସ୍ତୁତ ପାଇଁ ଥିବା ୫୧୦୦ଲିଟର ପୋଚକୁ ନଷ୍ଟ କରିଥିଲେ।
ବାଉଁଶ ଟାଙ୍ଗର ଓ ଡାଲୁଆ ଆଦି ଗାଁର ନିକଟସ୍ଥ ବାଣିଆବନ୍ଧ ସଂରକ୍ଷିତ ଜଙ୍ଗଲ ପାଲଟିଛି ଦେଶୀ ଚୋରା ମଦ ରନ୍ଧନ ମାଫିଆଙ୍କ ଭୂସ୍ବର୍ଗ। ବନ ବିଭାଗର ସଂରକ୍ଷିତ ଜଙ୍ଗଲରେ ବର୍ଷ ବର୍ଷ ଧରି ଚୋରା ଦେଶୀ ମଦ ରନ୍ଧନ ହେବା ସହ ଗଛ କାଟି ଜାଳେଣି କରାଯାଉଛି। ଏହା ସହ ଜଙ୍ଗଲରେ ପ୍ରବାହିତ ଝରଣାର ଜଳ ମଦ ପୋଚ଼ରେ ଦୂଷିତ ହେବା ଯୋଗୁଁ ବନ୍ୟପ୍ରାଣୀ ବିପଦରେ ପଡୁଛନ୍ତି।
ଜଙ୍ଗଲ ,ଅବକାରୀ ଓ ପୁଲିସ ବିଭାଗର ଉଚ୍ଚ କର୍ତ୍ତୃପକ୍ଷ ମିଳିତ ଭାବେ ଯୋଜନା ମୁତାବକ ପଦେକ୍ଷପ ନେଲେ ଚୋରା ମଦ ରନ୍ଧନ ଓ ଚାଲାଣ ବନ୍ଦ ହୋଇ ପାରିବ ବୋଲି ବୁଦ୍ଧିଜୀବୀ ମାନେ କହିଛନ୍ତି। ଏହି ଚଢ଼ାଉରେ ଥାନା ଅଧିକାରୀ ରଞ୍ଜନ କୁମାର ପ୍ରଧାନ, ଉପଆରକ୍ଷୀ ଅଧିକ୍ଷକ ଡ.ବିକାଶ କୁମାର ସେଠୀ ଓ ଏକ ପ୍ଲାଟୁନ ପୁଲିସ ମୁତୟନ ହୋଇଥିଲେ।
୨୭ ବର୍ଷ ପରେ ଗୁରୁଙ୍କ ନକ୍ଷତ୍ରରେ ଶନି ଚଳନ; ଏହି ୩ ରାଶି ହେବେ ମାଲାମାଲ୍, ଭାଗ୍ୟଶାଳୀ..
