ବଲାଣି:ବଲାଣି ଥାନା ଅନ୍ତର୍ଗତ ନିମତୁର ଗ୍ରାମରେ ଦେଶୀ ମଦ ଆଡ୍ଡାରେ ଚଢ଼ାଉ କରି ଦେଶି ମଦ ଏବଂ ଗୋଟିଏ ଚୋରା ମଟର ସାଇକେଲ ସହ ଜଣଙ୍କୁ ଗିରଫ କରିଛି ବଲାଣି ପୁଲିସ । ଗିରଫ ଅଭିଯୁକ୍ତ ନିମତୁର ଗ୍ରାମର ସୋମା ମୁଣ୍ଡା ବୋଲି ଜଣା ପଡ଼ିଛି । ଅଭିଯୁକ୍ତ ଠାରୁ ୨୦ ଲିଟର ଦେଶୀ ମଦ ସହ ଚୋରା ଚାଲାଣ ରେ ବ୍ୟବହୃତ ଏକ ହିରୋ ହୋଣ୍ଡା ପେସନ ମଟର ସାଇକଲକୁ ଜବତ କରାଯାଇଛି । ତେବେ ତଦନ୍ତ ସମୟରେ ଏହି ମୋଟର ସାଇକଲଟି ଚୋରି ମୋଟର ସାଇକଲ ବୋଲି ପୁଲିସ ଜାଣିବାକୁ ପାଇଛି । ଏହାର ପ୍ରକୃତ ମାଲିକ ପଡୋଶୀ ରାଜ୍ୟ ଝାଡ଼ଖଣ୍ଡ ଅଂଚଳର ନୂଆମୁଣ୍ଡି ଥାନା ଅଂଚଳର ରାଜୁ ଲୋହାର ହୋଇଥିବା ବେଳେ ଏ ନେଇ ନୂଆମୁଣ୍ଡି ଥାନାରେ ଏକ ଲିଖିତ ଅଭିଯୋଗ ମଧ୍ୟ ରହିଛି । ଯାହାକୁ ଆଧାର କରି ନୂଆମୁଣ୍ଡି ପୁଲିସ ୪୬/୧୮ରେ ଚୋରି ମଟର ସାଇକଲର ଏକ ମାମଲା ରୁଜୁ କରାଯାଇଛି । ତେବେ ଆଜି ବଲାଣି ପୁଲିସ ଦ୍ୱାରା ୫୬/୧୯ ରେ ଦେଶୀ ମଦ କାରବାର ଓ ଗାଡି ଚୋରି ନେଇ ଏକ ମାମଲା ରୁଜୁ କରାଯାଇ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ନେଇ ବଲାଣି ଥାନା ଅଧିକାରୀ ଶ୍ରୀକାନ୍ତ ସାହୁ ସୂଚନା ଦେଇଛନ୍ତି ।
