ବେଲଗାଁ: କଳାହାଣ୍ଡି ବଲାଙ୍ଗୀର ଜିଲା ସୀମାନ୍ତ ବେଲଗାଁ ଜାତୀୟ ରାଜପଥ ବିଭାଗ ଟ୍ରକ ଟର୍ମିର୍ନାଲ ଠାରେ ସୋମବାର ଦିନ ଦ୍ୱିପ୍ରହରରେ ଗୁଳି ଫୁଟିବା ପରେ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି। ଏନେଇ ପାଖଆଖ ଦୋକାନୀ ଭୟରେ ଦୋକାନ ବନ୍ଦ କରିଦେଇଛନ୍ତି। ପ୍ରାପ୍ତ ସୂଚନାରୁ ପ୍ରକାଶ ଯେ ଜଣେ ଯୁବକ ଟ୍ରକ ଟର୍ମିନାଲ ପାଖ କ୍ଷେତରେ ବସି ମଦ ପିଉଥିଲେ। ସେଠାରେ ଗୁଳି ଫୁଟିବା ନେଇ ସ୍ଥାନୀୟ ଲୋକେ କଣ ହେଲା ବୋଲି ଜାଣିବା ପୂର୍ବରୁ ବାମ ହାତ ପାପୁଲି ରକ୍ତ ଜୁଡୁବୁଡୁ ଅବସ୍ଥାରେ ଆସି ମୋତେ ଡାକ୍ତରଖାନା ନିଅ ବୋଲି କହିଥିଲେ। ଏନେଇ ବେଲଗାଁ ପୁଲିସ ଅଧିକାରୀ ଖବର ପାଇ ସଙ୍ଗେ ସଙ୍ଗେ ଘଟଣାସ୍ଥଳକୁ ପହଞ୍ଚି ଯୁବକଙ୍କୁ ପ୍ରଥମେ ବେଲଗାଁ ଡାକ୍ତରଖାନା ପରେ ସେଠାରୁ ସଇଁନ୍ତଲା ଡାକ୍ତରଖାନାକୁ ପଠାଇଥିଲେ। ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବଲାଙ୍ଗୀର ଭୀମ ଭୋଇ ମେଡିକାଲରେ ଭର୍ତି କରାଯାଇଛି। ଆହତ ଯୁବକ ଜଣକ ବଲାଙ୍ଗୀର ଗାନ୍ଧି ନଗର ପଡାର ମାମିଲ ମହାଲିଙ୍ଗ ବୋଲି ପରିଚୟ ମିଳିଥିବା ବେଲଗାଁ ପୁଲିସ ଅଧିକାରୀ ମାଧବଚନ୍ଦ୍ର ହୋତା କହିଛନ୍ତି।
Comments are closed.