ବଲାଙ୍ଗୀର: ଶିଶୁ ସମାଜର ସାମଗ୍ରିକ ବିକାଶ ରେ ହିଁ ଦେଶର ବିକାଶ ଓ ଏହା ଭବିଷ୍ୟତରେ ଏକ ସୁସ୍ଥ ସମାଜ ନିର୍ମାଣରେ ସହାୟକ ହୋଇ ପାରିବ ଏବଂ ଏହି କ୍ଷେତ୍ରରେ ବଲାଙ୍ଗୀର ଶିଶୁ ବିକାଶ କେନ୍ଦ୍ରର ଉଦ୍ୟମ ପ୍ରଶଂସନୀୟ ବୋଲି ଶିଶୁ ବିକାଶ କେନ୍ଦ୍ରର ୩୫ତମ ପ୍ରତିଷ୍ଠା ଦିବସରେ ଅତିଥିମାନେ ମତବ୍ୟକ୍ତ କରିଅଛନ୍ତି। ସଭାପତି ମଦନ ମୋହନ ରଥଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ପଣ୍ଡିତ ଟୀକେଶ୍ୱର ଗୁରୁ ମୁଖ୍ୟ ଅତିଥି, ଉପଦେଷ୍ଟା ସାମାଜିକ କର୍ମୀ ବିକ୍ରମାନନ୍ଦ ବହିଦାର, ନାଟ୍ୟଭୂଷଣ ଜଗଦାନନ୍ଦ ଛୁରିଆ ଓ ଶିକ୍ଷାବିତ କପିଳ ପତି ସମ୍ମାନିତ ଅତିଥିଭାବେ ଯୋଗ ଦେଇଥିଲେ। ଏ ପାର୍ବଣରେ ଆଦର୍ଶ ଶିକ୍ଷକ ଭାବେ ଧର୍ମବ୍ରତ ରଥଙ୍କୁ ସମ୍ବର୍ଦ୍ଧିତ କରାଯାଇଥିଲା। ନୃତ୍ୟ ପ୍ରତିଯୋଗିତାର କୃତୀ ପ୍ରତିଯୋଗୀ ଆରାଧ୍ୟା ପୁଣ୍ୟତୋୟା, ଦିବ୍ୟାଂଶି ମହାନ୍ତି ଓ ଅନୁଷ୍କା ପଟ୍ଟନାୟକଙ୍କୁ ପୁରସ୍କୃତ କରାଯାଇଥିଲା। ସଭା ଆରମ୍ଭରେ ମାଁ ଦୁର୍ଗାଙ୍କର ପୂଜା ଅର୍ଚ୍ଚନା କରାଯାଇଥିଲା। ବେଦ ପଠନ କରିଥିଲେ ସତ୍ୟବନ୍ତ ବେଦବାକ। ଅନୁଷ୍ଠାନର ସଭାପତି ପତାକାକୁ ଉତ୍ତୋଳନ କରିଥିଲେ। ସଂପାଦକ ରତ୍ନମୟ ତ୍ରିପାଠୀ ବାର୍ଷିକ ବିବରଣୀ ପଠନ କରିଥିଲେ। ଏହି କାର୍ୟ୍ୟକ୍ରମକୁ ପରିଚାଳନାରେ ସହଯୋଗ କରିଥିଲେ ଚୁଡେନ୍ଦ୍ର କୁମାର ବେହେରା, ପ୍ରଦୀପ ପଶାୟତ, ପ୍ରଶାନ୍ତ ଷଡଙ୍ଗୀ, ଜ୍ୟୋତିରଂଜନ ମିଶ୍ର, ଧିରେନ୍ଦ୍ର ନାରାୟଣ ସିଂହଦେଓ, ସୁବାଷ ଦାସ, ହୃଷିକେଶ ପୁରୋହିତ ଓ ଅରୁଣ କୁମାର ଖୁଆସ। ଶେଷରେ ଉପ-ସଭାପତି ସୁନାଧର ବନଛୋର ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article