ବଡ଼ମ୍ବା: ଏହି ବ୍ଲକ ଅନ୍ତର୍ଗତ ଶଂଖାମେରୀ ଗ୍ରାମରେ ମଙ୍ଗଳବାର ଅପରାହ୍ନରେ ଜଣେ ଗାଈ ଚରାଳିଙ୍କର ବଜ୍ରପାତରେ ଶୋଚନୀୟ ମୃତ୍ୟୁ ଘଟିଛି। ମୃତକ ହେଲେ ଶଂଖାମେରୀ ଗ୍ରାମର କାର୍ତ୍ତିକ ବେହେରାଙ୍କ ପୁଅ କୈଳାଶ ବେହେରା(୫୭)ା ଅପରାହ୍ନ ପ୍ରାୟ ସାଢେ ୨ଟା ସମୟକୁ ବଡ଼ମ୍ବାରେ କାଳବୈଶାଖୀ ଅନୁଭୁତ ହେବାସହିତ ସ୍ଥାନେସ୍ଥାନେ ଘଡ଼ଘଡ଼ି ସହିତ ବର୍ଷା ହୋଇଥିଲା। ସେହି ସମୟରେ କୈଳାଶ ବିଲରୁ ଗାଈ ଚରାଇ ଘରକୁ ଫେରୁଥିବା ସମୟରେ ବଜ୍ରାଘାତର ଶିକାର ହୋଇଥିବା ଏବଂ ଘଟଣାସ୍ଥଳରେ ହିଁ ମୃତ୍ୟୁବରଣ କରିଥିବା ଗ୍ରାମବାସୀ ପ୍ରକାଶ କରିଛନ୍ତି। ଏହି ଦୁଃଖଦ ଖବର ମିଳିବାରେ ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ କରିବା ସହିତ ମୃତଦେହ ବ୍ୟବଛେଦ କରାଇଥିଲେ। ଗ୍ରାମରେ ଏକ ଶୋକାକୁଳ ପରିବେଶରେ କୈଳାଶଙ୍କ ଅନ୍ତିମ ସଂସ୍କାର କରାଯାଇଛି। ମୃତକ ଜଣେ ଦିନମଜୁରିଆ ଗରିବ ହୋଇଥିବାରୁ ରାଜ୍ୟ ସରକାର ତୁରନ୍ତ ତାଙ୍କ ପରିବାରକୁ ସହାୟତା ପ୍ରଦାନ କରିବାକୁ ଗ୍ରାମର ସମାଜସେବୀ ମାନସରଞ୍ଜନ ମୁଦୁଲି ଦାବି କରିଛନ୍ତି।
Comments are closed.