ବଡ଼ମ୍ବା : ବଡ଼ମ୍ବା ହାଟବଜାରସ୍ଥିତ ଶାସ୍ତ୍ରଜୀ ଉନ୍ନିତ ମଧ୍ୟଇଂରାଜୀ ବିଦ୍ୟାଳୟ ଆସନ୍ତା ବର୍ଷ ଶତବାର୍ଷିକୀ ଉତ୍ସବ ପାଳନ କରିବାକୁ ଯାଉଛି । ଏହି ଅବସରରେ ବିଦ୍ୟାଳୟର ପୁରାତନ ଛାତ୍ର ନିତ୍ୟାନନ୍ଦ ଶାସେନୀ, ସ୍କୁଲର ଉନ୍ନତି କଳ୍ପେ ମୋ ସ୍କୁଲ ଅଭିଯାନରେ ଆଗ୍ରହ ପ୍ରକାଶ କରି ଏକଲକ୍ଷ ଟଙ୍କା ଦାନ ସୂତ୍ରରେ ପ୍ରଦାନ କରିଛନ୍ତି । ବିଦ୍ୟାଳୟର ପ୍ରଧାନଶିକ୍ଷକ ଶିବପ୍ରସାଦ ବ୍ରହ୍ମାଙ୍କ ସୂଚନାନୁଯାଇ ବ୍ଲକ ସହଶିକ୍ଷାଧିକାରୀ ପ୍ରକାଶଚନ୍ଦ୍ର ମତ୍ତଗଜ ସିଂହ, ପୁରାତନ ଛାତ୍ର ସଂସଦର କର୍ମକର୍ତ୍ତା ତଥା ସ୍କୁଲର ଶିକ୍ଷକ-ଶିକ୍ଷୟତ୍ରୀଙ୍କ ଉପସ୍ଥିତିରେ ପୁରାତନ ଛାତ୍ର ଚେକ ଆକାରରେ ଏହି ଅର୍ଥ ପ୍ରଦାନ କରିଥିବା ପ୍ରକାଶ । ପୁରାତନ ଛାତ୍ର ସଂସଦ ତଥା ବିଦ୍ୟାଳୟ କତୃପକ୍ଷ ଏହି ବଦାନ୍ୟତା ଲାଗି ଶ୍ରୀ ଶାସନୀଙ୍କୁ କୃତଜ୍ଞତା ଜଣାଇଛନ୍ତି । ସୂଚନା ଥାଉକି ଦାତା ଶ୍ରୀ ଶାସେନୀଙ୍କ ମାତା ସ୍ୱର୍ଗତା ସ୍ୱର୍ଣ୍ଣଲତା ଦେବୀ ଉକ୍ତ ବିଦ୍ୟାଳୟର ପ୍ରାକ୍ତନ ପ୍ରଧାନଶିକ୍ଷୟିତ୍ରୀ ଅଟନ୍ତି।
Comments are closed.