ହରଭଙ୍ଗା : ହରଭଙ୍ଗା ପଂଚାୟତ ଭେଜିଗୁଡା ଗ୍ରାମରେ ଏଲଏଣ୍ଡ ଟି କମ୍ପାନୀର ମନମୁଖୀ କାର୍ଯ୍ୟ ଯୋଗୁଁ ଗ୍ରାମର ଦୁଇଟି ୱାର୍ଡର ଦୁଇହଜାର ଲୋକ ଅସୁବିଧା ଭୋଗୁଥିବା ଜଣାପଡିଛି। କମ୍ପାନୀ କର୍ତ୍ତୃପକ୍ଷ କର୍ଣ୍ଣପାତ ନକରିବାରୁ ଗ୍ରାମବାସୀ ଶେଷରେ ଥାନାର ଦ୍ୱାରସ୍ଥ ହୋଇଥିବା ଜଣାପଡିଛି। ପ୍ରକାଶ ଯେ ଏହି କମ୍ପାନୀ ପକ୍ଷରୁ ହରଭଙ୍ଗା ଠାରେ ବୃହତ ପାଇପ ଜଳଯୋଗାଣ ନିର୍ମାଣ କାର୍ଯ୍ୟ ଚାଲୁରହିଛି। ଗତ କିଛିଦିନ ତଳେ କମ୍ପାନୀ ପକ୍ଷରୁ ଭେଜିଗୁଡା ଗାଁ ମୁଣ୍ଡରେ ଲୁହା ପାଇପ ବିଛାଇବା ପାଇଁ ଗାତ ଖୋଳି ପାଇପ ପୋତା କାର୍ଯ୍ୟ ସମ୍ପୂର୍ଣ୍ଣ କରାଯାଇଥିଲା। ମାତ୍ର ପାଇପ ପୋତା ପରେ ଅତି ବେପରୁଆ ଭାବେ କମ୍ପାନୀ କର୍ତ୍ତୃପକ୍ଷ ମାଟି ପୋତିବା କାର୍ଯ୍ୟ ସମ୍ପୂର୍ଣ୍ଣ କରିନଥିଲେ। ଯାହାଦ୍ବାରା ଗାଁକୁ କୌଣସି ଚାରିଚକିଆଯାନ ଯାତାୟତ ହୋଇ ପାରୁନାହିଁ। ଫଳରେ ପକ୍କା ଘର ପାଇଥିବା ଗରିବ ହିତାଧିକାରୀ ଘର ନିର୍ମାଣ ସାମଗ୍ରୀ ନେଇ ନପାରି ବହୁତ ଅସୁବିଧା ଭୋଗୁଛନ୍ତି। ଏପରିକି ଆମ୍ବୁଲାନ୍ସ ଗାଡି ଗାଁ ମଧ୍ୟକୁ ଆସିପାରୁନଥିବାରୁ ରୋଗୀକୁ ମେଡିକାଲ ନେବା କଷ୍ଟକର ହୋଇପଡୁଛି। ତୁରନ୍ତ ରାସ୍ତାର ଗାତ ପୋତିବା କାର୍ଯ୍ୟ ସମ୍ପୂର୍ଣ୍ଣ କରିବାକୁ ସମାଜସେବୀ ବିଶିକେଶନ ପ୍ରଧାନ ଦାବୀ କରିଛନ୍ତି।
Comments are closed.